आईआईएमएस कलेजको आधुनिक नयाँ भवन उद्घाटन

आईआईएमएस कलेजले आधुनिक नयाँ भवन उद्घाटन गरिएको छ। टेलर्स युनिभर्सिटीबाट सम्बन्धन प्राप्त  आईआईएमएस कलेजले नक्सालमा नयाँ आधुनिक भवन  निर्माण गरेको हो । 

सन् २०१० मा स्थापना भई अन्तर्राष्ट्रिय मापदण्ड अनुसारका स्नातक कार्यक्रमहरू सञ्चालन गर्दै आएको आईआईएमएस कलेजले यसपटक दक्षिणपूर्व एसियाकै ख्यातिप्राप्त र QS World University Rankings मा २५३औँ स्थान हासिल गरेको टेलर्स युनिभर्सिटीसँगको साझेदारीमार्फत शैक्षिक उत्कृष्टतालाई थप मजबुत बनाएको बताएको छ । 

विश्वका शीर्ष १ प्रतिशत विश्वविद्यालयमध्ये सूचीकृत टेलर्सको AACSB मान्यता प्राप्त व्यवसाय कार्यक्रमले उक्त सहकार्यलाई अझ अर्थपूर्ण बनाएको कलेजको दाबी छ।

उद्घाटन कार्यक्रममा टेलर्स युनिभर्सिटीका उपकुलपति तथा अध्यक्ष प्रा. ब्यारी विन, प्रो भाइस चान्सलर एंगी सोक पिङ, सामाजिक विज्ञान तथा लेजर व्यवस्थापन संकायका कार्यकारी डीन प्रा. निथ्यानाथन एरी राघवन तथा बिजनेस एण्ड ल संकायका कार्यकारी डीन प्रा. चो. सियोङ चोयको उपस्थिति रहेको थियो ।  

कलेजको नयाँ भवनमा स्मार्ट कक्षा, अत्याधुनिक प्रयोगशाला, डिजिटल शिक्षण क्षेत्र, नवप्रवर्तन केन्द्र तयार गरिएको छ । 

समारोहलाई सम्बोधन गर्दै आईआईएमएस ग्रुपका सीईओ तथा कार्यकारी अध्यक्ष सबिन्द्र महर्जनले नेपालमै विश्वस्तरीय शिक्षा प्रदान गर्ने आफुहरूको उद्देश्य भएको बताए । 

त्यस्तै, टेलर्स युनिभर्सिटीका उपकुलपति तथा अध्यक्ष प्रा. ब्यारी विनले सहकार्यलाई अन्तर्राष्ट्रिय शिक्षाको महत्वपूर्ण माइलस्टोनका रूपमा वर्णन गर्दै साझेदारीले नेपालमै विश्वस्तरीय ज्ञान प्रदान गर्ने बताए ।