आईसीटी समाचार
एक वर्षमा नेपालमा ११ हजार ७०१ चारपांग्रे विद्युतीय सवारीसाधन भित्रिएका छन् ।
भन्सार विभागले हालै सार्वजनिक गरेको गत आर्थिक वर्ष २०८०/८१ को तथ्यांक अनुसार ११ हजार ७०१ चारपांग्रे विद्युतीय सवारीसाधन आयात भएका हुन् ।
नेपाल भित्रिएका ११ हजार ७०१ चारपांग्रे विद्युतीय सवारीसाधनको कुल मूल्य २९ अर्ब ४८ करोड २७ लाख ९४ हजार रुपैयाँ रहेको छ ।
भित्रिएका चारपाङ्ग्रे सवारी साधनमा विशेषगरी सामान्य कार, जीप र भ्यानका साथै अतिरिक्त मोटर पावर भएका कार जीप र भ्यान रहेका छन् ।
चीन, भारत, इण्डोनेसिया, जर्मनी, दक्षिण कोरिया र अमेरिकाबाट सवारी साधन भित्रिएका छन् ।
