आईसीटी समाचार
आजको समयमा धेरैजसो मानिसहरू स्मार्टफोनको प्रयोग गर्छन् । तर, इन्टरनेट बिना कुनै पनि फोन खासै कामलाग्दो हुँदैन् । केही समय अघिदेखि टेलिकम कम्पनीहरूले आफ्नो रिचार्ज दरमा वृद्धि गर्दै गएका छन् । यस कारणले गर्दा मानिसहरूले अब डेटा प्रयोग गर्दा बढी पैसा खर्च हुन्छ ।
स्मार्टफोनमा उपभोग हुने डेटालाई नियन्त्रण गरेर यो समस्याबाट बच्न सकिन्छ । यस सेटिङको माध्यमबाट सजिलैसँग डेटा खपत कम हुनेछ । साथै तपाईंलाई थाहा हुन्छ कि फोनमा कति डेटा खर्च भयो र कति डेटा अझै बाँकी छ ।
फोनमा डेटा नियन्त्रण गर्नका लागि फोनको ब्राउजर सेटिङमा जानुहोस् । त्यसपछि डेटा सेभर वा सेविङ डेटा मोडलाई अन गर्नुहोस् ।
गति गरेपछि ब्राउजरको सेटिङमा पिक्चरको विकल्पलाई अफ गर्नुहोस् । यस्तो गर्दा कुनै वेब पेजको फोटो डाउनलोड हुन समय लाग्नेछ, तर डेटा खपत कम हुनेछ । त्यससँगै ब्राउजरको सेटिङमा गएर ब्याकग्राउन्ड डेटा विकल्पलाई बन्द गर्नुहोस् ।
स्मार्टफोनमा यो परिवर्तन गर्नुहोस्
स्मार्टफोनमा डेटा खपत नियन्त्रण गर्नका लागि फोनको सेटिङमा जानुहोस् । त्यसपछि नेटवर्क र इन्टरनेटको विकल्पमा जानुहोस् ।
मोबाइल नेटवर्कमा गएर कम डेटा खपतको अप्सनलाई छान्नुहोस् । यस्तो गर्दा डेटा खपत कम हुनेछ ।
ब्याकग्राउन्ड एपहरू बन्द गर्ने
फोनमा डेटा नियन्त्रण गर्न अर्को सेटिङ गर्नुहोस् । यसका लागि फोनको सेटिङमा जानुहोस् ।
त्यसपछि सर्चमा एप खोजेर एपको विकल्पमा गएर ब्याकग्राउन्ड एपमा जानुहोस् र एपलाई बन्द गर्नुहोस् ।
अटो प्ले भिडियोहरू अफ गर्नुहोस्
पहिला फोनको सेटिङमा जानुहोस्, त्यसपछि डेटा सेभर मोड सर्च गर्नुहोस् ।
त्यसपछि अटो प्ले भिडियोको अप्सनलाई बन्द गर्नुहोस् । यस्तो गर्दा फोनमा भिडियो स्क्रोल गर्दा भिडियो आफैं चल्नेछैन् । धेरै फोनमा एप अपडेट अटो मोडमा काम गर्छन्, यो विकल्पलाई पनि बन्द गर्न सकिन्छ ।
यसका लागि गुगल प्ले स्टोर वा एप्पल प्ले स्टोरमा जानुहोस् । त्यसपछि एप अपडेटको अप्सनमा गएर अटो अपडेटलाई अफ गर्नुहोस् ।
