आईसीटी समाचार
एप्पलले सन् २०२४ देखि आफ्नो रिटेल स्टोरका कर्मचारीहरूलाई भिजन प्रोको तालिम दिन सुरू गर्ने भएको छ ।
ब्लुमवर्गका अनुसार एप्पलले रिटेल कर्मचारीलाई प्रडक्टको तालिममा सहभागी हुन आवेदन दिन मेमो पठाएको छ ।
‘छनौट भएका टिम मेम्बर सन् २०२४ को पहिलो महिनामा क्यालिफोर्नियाको कपर्टिनोमा हुने कार्यक्रममा भाग लिने छन्,’ नोटमा भनिएको छ, ‘उनीहरू स्टोरमा फर्किएपछि अन्य टिम मेम्बरलाई तालिम र सपोर्ट प्रदान गर्नेछन् ।’
तालिमले एप्पल भिजन प्रो बारे कर्मचारीलाई शिक्षित गर्ने विश्वास गरिएको छ । सन् २०२४ को सुरूवातमा एप्पलको भिजन प्रो आउने अनुमान गरिएको छ ।
