आईसीटी समाचार
यातायात व्यवस्था विभागले सवारीचालक अनुमतिपत्र (ड्राइभिङ लाइसेन्स) शीघ्र आवश्यक पर्ने नेपाली नागरिकलाई तीन दिनभित्रै स्मार्ट कार्ड प्रिन्ट गरेर दिने भएको छ ।
अध्ययन तथा रोजगारीका लागि विदेश जाने नेपाली नागरिक र शान्ति सेना मिशनका लागि विदेश जाने नेपाली सेना तथा नेपाल प्रहरीका लागि तीनदिन भित्रै उपलब्ध गराउने विभागले जनाएको हो ।
यातायात व्यवस्था विभागका अनुसार पुस १५ गतेदेखि उक्त व्यवस्था सुरु गर्न लागिएको छ । यो व्यवस्था सुरू भएपछि यहाँ क्लिक गरी आवेदन दिन सकिने छ ।
निवेदन स्वीकृत भएको मितिदेखि ३ कार्य दिनभित्र प्राविधिक समस्या आएन भने स्मार्ट कार्ड छपाई गरी यस विभागको सहायता कक्षबाट वितरण हुनेछ ।
निवेदकले सवारी चालक अनुमतिपत्र लिन आउँदा उक्त पोर्टलमा अपलोड गरेका कागजातहरुको सक्कल प्रति र अनलाईन निवेदनको प्रिन्ट लिई विभागमा जानु पर्नेछ ।
