आईसीटी समाचार
कामना सेवा विकास बैंक लिमिटेडले आफ्नो संस्थागत सामाजिक उत्तरदायित्व कार्यक्रमअन्तर्गत झापाको बिर्तामोडस्थित मेची आँखा अस्पताललाई २ थान पानी प्युरिफायर र ४ थान मोबाइल चार्जिङ स्टेसन हस्तान्तरण गरेको छ ।
बैंकका कोशी प्रदेश प्रमुख खिमलाल भुसालले अस्पतालका वरिष्ठ प्रशासन अधिकृत प्रशान्त श्रेष्ठलाई उक्त सामग्री हस्तान्तरण गरेका हुन् । यो सहयोगबाट अस्पतालमा सेवा लिन आउने सबै वर्गका बिरामीहरू लाभान्वित हुने विश्वास व्यक्त गरिएको छ ।
विशेषगरी आर्थिक रूपमा कमजोर तथा विपन्न वर्गका सेवाग्राहीहरूका लागि यो सुविधाले उपचार प्रक्रियामा सहजता ल्याउने वरिष्ठ प्रशासन अधिकृत श्रेष्ठले बताए ।
