आईसीटी समाचार
काठमाडौँ महानगरपालिकाको शिक्षा विभागले सामुदायिक विद्यालयका कक्षा कोठामा स्मार्ट बोर्ड जडान गर्न सुरू गरेको छ । विभागले सार्वजनिक खरिद प्रक्रियामार्फत ल्याएका ३१३ वटा वोर्डहरु सूचना प्रविधि विभागबाट बोलपत्रको स्पेशिफिकेसन सम्बन्धी प्राविधिक जाँच गरेर विद्यालयका कक्षा कोठामा जडान सुरु गरेको हो ।
सामुदायिक विद्यालयका कक्षा कोठामा स्मार्ट बोर्ड जडान गर्ने क्रममा रामशाह पथमा रहेको पद्मोदय माध्यमिक विद्यालयको कक्षा १० सेक्सन 'ए’मा स्मार्ट बोर्ड जडान गरिएको छ ।
कक्षा कोठामा जडान गरिएको बोर्ड चलाउन तालिम आवश्यक पर्ने भएकाले तालिम लिएका विद्यालयहरूले जडानमा प्राथमिकता पाउने महनागरले जनाएको छ ।
शिक्षकले तालिम नलिएका विद्यालयहरुका लागि पहिले तालिम दिइनेछ । त्यसपछि मात्रै बोर्ड जडान गरिनेछ । कक्षा कोठामा जडान भएका बोर्डहरुको डिस्प्ले क्षमता ५० हजार घण्टा रहेको छ । सामान्य ठक्करबाट स्क्रिन नचिर्किने वा नफुट्ने महानगरको भनाइ छ ।
