लिपमोटर टि ०३ ईभी कार नेपाली बजारमा, स्मार्ट र सुरक्षित ड्राइभिङ अनुभव प्रदान गर्ने

साङ्ग्रिला मोटर्स प्रालिले राजधानीको सिल्वर ओक ब्यान्क्वेटमा एक समारोहका बीच लिपमोटर टि ०३ गाडी नेपाली बजारमा सार्वजनिक गरेको छ।

साङ्ग्रिला मोटर्सका प्रबन्ध निर्देशक हेमन्त गोल्छाले नेपालमा नवीनतम् र दिगो प्रविधियुक्त सवारी ल्याउने प्रतिबद्धतालाई निरन्तरता दिन पाएकोमा खुसी व्यक्त गर्दै लिपमोटर टि ०३ ले स्मार्ट र सुरक्षित ड्राइभिङ अनुभव प्रदान गर्ने बताए।

लिपमोटर टि ०३ मा ३७.३ किलोवाट क्षमताको ब्याट्री जडान गरिएको छ, जसले WLTP कम्बाइन्ड साइकलमा २६५ किमी तथा अर्बन साइकलमा ३९५ किमी रेन्ज प्रदान गर्छ । यसमा लेभल २ एडभान्स्ड लिप पाईलट ड्राइभर एक्टिभ सेफ्टि असिस्टेन्स प्रणाली पनि छ, जसले चालकलाई उच्चस्तरीय सुरक्षा अनुभव प्रदान गर्नेछ।

कार्यक्रममा नेपाल राष्ट्रिय क्रिकेट टोलीका कप्तान तथा लिपमोटर र सिट्रोनका ब्रान्ड एम्बेसडर रोहित पौडेलको विशेष उपस्थिति रहेको थियो। उनले लिपमोटरको नेतृत्व, दृढता र उत्कृष्टता ग्राहकहरूको विश्वासको प्रतिक भएको बताएका थिए।

साङ्ग्रिला मोटर्स प्रालि.सन् २०१७ देखि प्यूजो तथा २०२१ देखि सिट्रोनका आधिकारिक आयातकर्ता रहँदै आएको छ। पछिल्लो समय कम्पनीले सिट्रोन सी १० तथा लिपमोटर टि ०३ सार्वजनिक गरी नेपाली बजारमा विद्युतीय सवारीसाधनको पहुँच विस्तार गरिरहेको छ ।