आईसीटी समाचार
मेटाले एकपटक फेरि आफ्नो क्यामेरा युक्त स्मार्टवाच प्रोजेक्टमा काम सुरु गरेको छ । यो प्रोजेक्टको सुरुवात २०२१ मा गरिएको थियो तर केही महिनामै यसलाई रद्द गरिएको थियो।
नयाँ रिपोर्टअनुसार मेटा स्मार्टवाचमा काम पुनः सुरु भएको छ र यसलाई सेप्टेम्बर २०२५ मा मेटा एआई ग्लासेजको सहायक डिभाइसका रूपमा पेश गर्न सकिने सम्भावना छ।
रिपोर्टअनुसार, मेटाले यो स्मार्टवाचलाई मेटा कनेक्ट सम्मेलन (१७–१८ सेप्टेम्बर, अमेरिका) को क्रममा लन्च गर्न सक्छ। हुआक्विन टेक्नोलोजी (चीन स्थित कम्पनी) यस डिभाइसको मुख्य निर्माता बताइएको छ।
के–के फीचरहरू हुनेछन्?
रिपोर्टमा भनिएको छ - यस स्मार्टवाचमा इनबिल्ट क्यामेरा हुन सक्छ, जसले यसलाई एपल वा सामसुङ ग्यालेक्सी वाचभन्दा फरक बनाउनेछ।
क्यामेराकै माध्यमबाट यसमा एआई क्षमताहरू थप्न सकिनेछ, जस्तै रियल‑टाइम भिजुअल प्रोसेसिंग वा जेस्चर रिकग्निशन।पहिल्यै सार्वजनिक डिजाइन अनुसार, स्क्रीन किनारले घुमाइएको हुनेछ र डिस्प्लेको मुनि क्यामेरा राखिएको हुनेछ।
स्मार्टवाचको दाहिनेपट्टी फिजिकल बटन पनि हुने छ। यद्यपि रिपोर्टमा विरोधाभास पनि देखिन्छ, पछि सो रिपोर्टले त्यहीं भन्छ कि यो स्मार्टवाच साँच्चै मेटा कनेक्ट इभेन्टमा पेश गरिनेछ कि छैन भन्ने निश्चित छैन। त्यसैले यस डिभाइसको भविष्य अझै अलि अस्थिर छ।
किन रोकिएको थियो पहिलेको प्रोजेक्ट?
जून २०२२ मा यो प्रोजेक्ट रोकिएको थियो। रिपोर्टअनुसार, स्मार्टवाचमा राखिएको दोस्रो क्यामेराले त्यस फीचरसँग प्राविधिक समस्या उत्पन्न गरिरहेको थियो, जुन कलाईका नसाका संकेतलाई डिजिटल कमान्डमा रूपान्तरण गर्ने उद्देश्यले बनाइँदै थियो।
