आईसीटी समाचार
यदि तपाईंसँग पुरानो विन्डोज १० ल्यापटप छ भने, अपग्रेड गर्न आवश्यक हुन सक्छ । टेक कम्पनी माइक्रोसफ्टले घोषणा गरेको छ कि यसको पुरानो विन्डोज १० अपरेटिङ सिस्टम संस्करणको लागि समर्थन (सपोर्ट) बन्द गरिँदैछ । यसको अर्थ तपाईंले आफ्नो ल्यापटपको सफ्टवेयर अपग्रेड गर्नुपर्नेछ, अन्यथा माइक्रोसफ्टबाट कुनै प्रकारको सहायता प्राप्त हुने छैन ।
विन्डोज १० कहिले रिटायर हुँदैछ?
माइक्रोसफ्टले १४ अक्टोबर २०२५ बाट विन्डोज १० को लागि सपोर्ट पूर्ण रूपमा बन्द गर्ने घोषणा गरिसकेको छ । कम्पनीले आफ्ना प्रयोगकर्ताहरूलाई इमेलमार्फत जानकारी दिइरहेको छ र उनीहरूलाई सफ्टवेयर अपग्रेड गर्न वा नयाँ डिभाइस किन्न सल्लाह दिइएको छ । माइक्रोसफ्टले योग्य प्रयोगकर्ताहरूलाई पहिले नै विन्डोज ११ अपडेट उपलब्ध गराइसकेको छ ।
विन्डोज १० रिटायर हुनुको अर्थ के हो?
कुनै पुरानो सफ्टवेयर रिटायर हुनुको अर्थ हो कि अब कम्पनीले त्यसको विकासमा स्रोत खर्च गर्नेछैन, जसकारणः विन्डोज १० मा चलेका ल्यापटप वा पीसी पहिले जस्तै काम गर्नेछन् । तर अब सुरक्षा अपडेटहरू, नयाँ विशेषताहरू र प्राविधिक सहायता उपलब्ध हुने छैन् । साथै प्रणालीमा रहेका त्रुटिहरू (दगनक) वा कमजोरीहरू सुधार गरिने छैन् । त्यस्तै भाइरस वा मालवेयर आक्रमणको जोखिम बढ्नेछ । तपाईंलाई नयाँ उपकरणहरू र सफ्टवेयर सुविधाहरूको पहुँच मिल्नेछैन् ।
विन्डोज १० को अन्तिम संस्करण २२ एच२ हुनेछ । यद्यपि, यदि कुनै गम्भीर समस्या देखिएमा, माइक्रोसफ्टले एक्सटेन्डेड सेक्युरिटी अपडेट्स (ईएसयू) प्रदान गर्न सक्छ ।
तपाईं के गर्न सक्नुहुन्छ?
✔ पहिलो चरणमा, सेटिङ्स → सिस्टम अपडेटमा गएर लेटेस्ट सफ्टवेयर अपडेट गर्नुहोस् ।
✔ यदि तपाईंको ल्यापटप विन्डोज ११ को लागि योग्य छ भने, त्यहाँबाट सजिलै अपग्रेड गर्न सक्नुहुन्छ ।
✔ यदि अपग्रेड गर्ने विकल्प छैन भने, तपाईं विन्डोज १० नै चलाउनुपर्नेछ वा नयाँ ल्यापटप किन्नुपर्नेछ ।
विन्डोज १० को समर्थन बन्द भएपछि, प्रयोगकर्ताहरूलाई सुरक्षासम्बन्धी जोखिम बढ्न सक्छ । त्यसैले समयमै विन्डोज ११ मा अपग्रेड गर्ने वा नयाँ डिभाइसमा परिवर्तन गर्ने बारे सोच्नु बुद्धिमानी हुनेछ ।
