आईसीटी समाचार
चीनमा माइक्रोसफ्टले एन्ड्रोइडमा प्रतिबन्ध लगाएको छ । अब कम्पनीका कर्मचारीहरूले चाँडै नै आईफोनमा स्विच गर्नुपर्नेछ ।
ब्लूमबर्गको रिपोर्ट अनुसार, चीनमा माइक्रोसफ्टका कर्मचारीहरूलाई सेप्टेम्बर २०२४ सम्म एन्ड्रोइड स्मार्टफोनबाट आईफोनमा स्विच गर्न सूचित गरिएको छ । माइक्रोसफ्ट चीनद्वारा कर्मचारीहरूलाई पठाइएको एक ई–मेलमा यसको घोषणा गरिएको थियो । यही आदेश माइक्रोसफ्टको हङकङ कार्यालयमा पनि जारी गरिएको छ ।
रिपोर्ट अनुसार, कर्मचारीहरूलाई भनिएको छ कि जो कोही ह्वावे वा साओमी जस्ता चिनियाँ ब्रान्डको एन्ड्रोइड स्मार्टफोन प्रयोग गर्दैछन्, उनीहरूलाई कम्पनीद्वारा आईफोन १५ दिइनेछ । कम्पनीले चीनमा एक केन्द्र पनि बनाउने योजना गरिरहेको छ जहाँबाट कर्मचारीले आईफोन लिन सक्नेछन् ।
माइक्रोसफ्टद्वारा एन्ड्रोइडमा प्रतिबन्ध लगाउने मुख्य कारण चीनमा गूगल प्ले–स्टोर प्रतिबन्धित हुनु हो । यसले गर्दा मानिसहरूलाई एन्ड्रोइड एप डाउनलोड गर्न समस्या हुन्छ ।
चीनमा गूगल प्ले–स्टोर प्रतिबन्धित भएकाले प्रयोगकर्ताहरू ह्वावे र साओमीका एप स्टोरमा निर्भर रहनुपर्छ । माइक्रोसफ्ट चाँडै नै नयाँ लगइन सिस्टम ल्याउने तयारीमा छ जसबाट थाहा पाइनेछ कि कुन कर्मचारी आईफोनबाट लगइन गर्दैछन् र कुन एन्ड्रोइडबाट ।
