आईसीटी समाचार
आजकल धेरैले पावर बैंक प्रयोग गर्छन्, तर कहिलेकाहीँ कुनै खराबीका कारण पावर बैंक बिस्फोटहुने समस्या देखिन्छ। छिमेकी देश चीनमा यस्तै समस्या देखा परेको छ। त्यहाँ दुई ठूला कम्पनीले १२ लाखभन्दा बढी पावर बैंक फिर्ता बोलाउनु परेको हो।
साउथ चाइना मर्निंग पोस्टको रिपोर्टका अनुसार, यी कम्पनीहरूको पावर बैंकका ब्याट्री सेलमा खराबी आएको छ, जसका कारण तिनीहरू अत्यधिक तातो हुँदै छन् र आगलागीको जोखिम बढिरहेको छ।
पछिल्ला दिनहरूमा बेइजिङस्थित थुप्रै विश्वविद्यालयहरूमा पावर बैंक विस्फोट हुने घटना भएका छन्। त्यसपछि ती विश्वविद्यालयका विद्यार्थीहरूलाई ती दुई कम्पनीका पावर बैंक प्रयोग नगर्न चेतावनी दिइएको थियो। अहिले १२ लाखभन्दा बढी पावर बैंक कारखानामा फिर्ता पठाउँदैछन्।
रिपोर्टअनुसार एंकर र रोमोस्का १२ लाखभन्दा बढी पावर बैंकमा खराबी देखिएपछि फिर्ता बोलाइएको हो। चीनमा हालै गरिएका यो प्रकारका ग्याजेट रिकलमध्ये यो सबैभन्दा ठूलो भनिएको छ। दुबै कम्पनीले बताएका छन् कि ब्याट्री सेलको दोषले पावर बैंक अत्यधिक तातो भइरहे छन् र आगलागीको खतरा छ। रोमोस् ले गत सोमवार मात्र ब्याट्री सेलको समस्याका कारण करिब ५ लाख पावर बैंक फिर्ता बोलाएको थियो।
रिपोर्टले भनेको छ कि एंकरले सात मोडेलका पावर बैंक फिर्ता बोलाएको छ। यस दोषको जिम्मेवार एउटा अज्ञात सप्लायर रहेको बताइएको छ, जसले बिना अनुमति कच्चा पदार्थमा परिवर्तन गरेकोले इन्सुलेसन कमजोर भयो र बारम्बार प्रयोग गर्दा पावर बैंक तातो हुन थाले।
कम्पनीले जससँग पावर बैंक छ, ती फिर्ता दिएर रिफन्ड लिन वा अर्को पावर बैंक लिन अनुरोध गरेको छ । हाल चीन बाहिर कुन–कुन देशमा समस्या फैलिन सक्छ, त्यो स्पष्ट भएको छैन। उल्लेखनीय कुरा के हो भने यी कम्पनीका पावर बैंक नेपालमा पनि अनलाइन बेचिँदै आएका छन्।
