आईसीटी समाचार
नेपाल एशोसिएसन फर सफ्टवेयर एण्ड आईटी सर्भिसेस कम्पनिज (न्यास आईटी) एशिया प्याशिफिक आईसीटी अलायन्सको सदस्य बनेको छ ।
एशिया क्षेत्रमा प्रविधि, इन्नोभेसन र आईसीटीको विकास र प्रवर्द्धन गर्ने उद्देश्यले स्थापना भएको एशिया प्याशिफिक आईसीटी अलायन्समा न्यास आईटी सदस्य बन्न सफल भएको हो ।
एशिया प्याशिफिक आईसीटी अलायन्सको सदस्य बनेपछि न्यास आईटीका अध्यक्ष रिचन श्रेष्ठले नेपालको प्रविधि क्षेत्रलाई बलियो बनाउन यो सहकार्य महत्त्वपूर्ण सावित हुने बताए ।
एशिया प्याशिफिक आईसीटी अलायन्सको सदस्य भएसँगै न्यास आईटीले अब अन्तर्राष्ट्रिय नेटवर्किङ र ज्ञान साझेदारको अवसर पाउने छ ।
एशिया प्याशिफिक आईसीटी अलायन्ससँगको सहकार्यले नेपालको आईटी क्षेत्रलाई बलियो बनाउनुका साथै क्षेत्रीय सदस्यसँगको अर्थतन्त्रसँग प्रतिस्पर्धा गरी नवप्रवर्तनलाई बढवा दिन, अन्तर-सास्कृतिक आदान प्रदान गर्न तथा नेपाली आईटी कम्पनीहरूका लगानी र बजार विस्तार गर्ने न्यास आईटीको विश्वास छ ।
