आईसीटी समाचार
नेशनल साईबर ओलम्पियाड २०८१ को प्लस टु संस्करणको पहिलो प्रतियोगिता भव्यताका साथ सम्पन्न भएको छ ।
+२ संस्करणको प्रतियोगिता प्रशिक्षणको आयोजना, पाइला क्रिएसनको व्यवस्थापन तथा टेकस्पायर कलेजको मुख्य प्रायोजनमा फागुन ५ गते देखि काठमाण्डौमा अभिमुखीकरण कार्यक्रम गरेर सुरुवात भएको थियो भने फाइनल समारोह रसियन हाउस, कमलपोखरी काठमाण्डौमा फाल्गुनको १५ गते सम्पन्न भएको छ ।
कुल २४ टिममा उत्कृष्ट हुँदै फाइनल प्रतियोगितामा ४ वटा प्लस २ कलेजका टिमले प्रतिस्पर्धा गरेका थिए । फाइनल प्रतियोगिताबाट उत्कृष्ट हुदै कोटेश्वर, काठमाण्डौको क्यापिटल कलेज एण्ड रिसर्च सेन्टरले प्रथम स्थान हासिल गरेको छ ।
बागबजार काठमाण्डौको काठमाडौँ मोडेल कलेज दोस्रो तथा चौथो र डिल्लीबजार काठमाण्डौको कलेज अफ बिजनेस म्यानेजमेन्टले तेस्रो स्थान हासिल गरेका छन् ।
विद्यार्थीहरुलाई सुचना प्रविधिको ज्ञान प्रदान गर्न तथा सो क्षेत्रमा आफुलाई अध्यावधिक राख्ने प्रमुख लक्ष्यका कार्यक्रम आयोजना भएको रअर्को वर्ष थप परिष्कृत रुपमा प्रतियोगिता सात वटै प्रदेशमा सन्चालन हुने गरी आयोजना गर्ने अध्यक्ष लक्ष्मण पोख्रेलले बताए ।
नेशनल साईबर ओलम्पियाड सुचना प्रविधि क्षेत्रको अन्तर विद्यालय हाजिरी जवाफ प्रतियोगिता हो जसमा सूचना तथा सञ्चार प्रविधि (आइसिटी) सम्बन्धी ज्ञान तथासीप अभिवृद्धि गर्न अन्तर विद्यालय हाजिरी जवाफ प्रतियोगिता मार्फत प्रतिस्पर्धा आयोजना गरिन्छ ।
प्रतियोगिता काठमाण्डौ उपत्यकाका २४ विद्यालयका माध्यमिक तहका ७२ जना विद्यार्थीहरु प्रत्यक्ष सहभागि भई प्रतिस्पर्धा गरेका थिए । प्रतियोगितामा सुचना र प्रविधि विषयको सामान्य ज्ञान, पाठ्यक्रम, लजिकल, मल्टिमिडिया, डिफेन्डिङ, ग्यम्बलिङ र ग्यासपिङ राउन्डमा सहभागी विद्यार्थीहरू बीच क्वालिफायिङ, सेमिफाइनल र फाइनल गरी तीन चरणमा प्रतिस्पर्धा गराइएको थियो ।
प्रमुख अतिथि कम्प्युटर एसोसिएसन अफ नेपाल (क्यान) महासंघकी अध्यक्ष सुनैना घिमिरे पाण्डे, तथा विशेष अतिथिहरु रसियन हाउसकी उपनिर्देशक, साकानुश वान्यान र त्रिभुवन विश्वविद्यालय, इन्जिनियरिङ संस्थानका प्राध्यापक आईटी इनोभेसन सेन्टरका निर्देशक, प्रो. डा. सुवर्ण शाक्यको उपस्थितिमा समापन समारोह रसियन हाउस कमलपोखरी काठमाण्डौमा सम्पन्न भएको थियो ।
प्रतियोगितामा प्रथम हुने क्यापिटल कलेज एण्ड रिसर्च सेन्टरलाई नगद ३० हजार रूपैयाँ, ट्रफी, मेडल, सर्टिफिकेट तथा अन्य धेरै उपहारहरुले सम्मान गरिएको थियो । दोस्रो, तेस्रो र चौथो स्थान हासिल गर्ने कलेजहरुलाई पनि ट्रफि, मेडल, सर्टिफिकेट तथा अन्य धेरै उपहारहरू प्रदान गरिएको थियो ।
कार्यक्रमको मुख्य प्रायोजनमा नयाँ बानेश्वर, काठमाडौँको टेकस्पायर कलेजले गरेको थियो । रसियन हाउस, आई मार्ट, हिमालयन नेक्टर हनी, महर्षी कलेज, फुडमान्डु, पठाओ, जुनियर उद्यमशीलता सर्कल, आईएनआई सिनेमा, पि सि पि एस कलेज, मोटर सेवा, बजारको चिरफार लगायतले प्रतियोगिताको प्रायोजन गरेका थिए ।
