आईसीटी समाचार
वैशाख २ गतेदेखि काठमाडौं महानगरपालिकाका वडाबाटै राष्ट्रिय परिचयपत्र वितरण हुने भएको छ ।
शुक्रबार राष्ट्रिय परिचय पत्र तथा पञ्जीकरण विभाग वैशाख २ गतेदेखि काठमाडौं महानगरपालिकाका वडाबाटै राष्ट्रिय परिचयपत्र वितरण हुने जानकारी दिएको हो ।
त्यसपछि काठमाडौंका अन्य स्थानीय तहमा समेत वडाबाटै राष्ट्रिय परिचयपत्र वितरण हुनेछ । फागुन १७ गतेदेखि पहिलो पटक कञ्चनपुर जिल्लाबाट यो सेवा सुरू भएको थियो ।
चालु आर्थिक वर्षमा ११ जिल्लाका स्थानीय तहको वडाबाट राष्ट्रिय परिचयपत्र वितरण हुने व्यवस्था मिलाउने विभागले जनाएको छ ।
