आईसीटी समाचार
जाब्बोर कायुमोभले निजी क्षेत्रको दूरसञ्चार सेवा प्रदायक कम्पनी एनसेलको प्रबन्ध निर्देशक तथा प्रमुख कार्यकारी अधिकृत (सीईओ) पदबाट राजीनामा दिएका छन् ।
कायुमोभले राजीनामा दिएपछि प्रमुख वित्तीय अधिकारी (सीएफओ) सैयद एमडी एनामुल कविरलाई निमित्त सीईओमा नियुक्त भएका छन् ।
एनसेलले आफ्नो वेबसाइटबाट समेत जाब्बोर कायुमोभको नाम हटाइसकेको छ । चार्टर्ड एकाउन्टेन्ट एनामुलसँग दुई दशकभन्दा बढीको विविध नेतृत्व अनुभव रहेको छ ।
एनसेलमा आवद्ध हुनु अघि, उनी बङ्गलादेशको युसीबी फिनटेक कम्पनी (युपे) मा डेपुटी प्रमुख कार्यकारी अधिकृत (डीसीईओ) र प्रमुख वित्तीय अधीकृत (सीएफओ) का रूपमा कार्यरत थिए ।
त्यहाँ उनले संस्थाको दीर्घकालीन वृद्धि, सञ्चालन दक्षता अभिवृद्धि, र सेयरधनीहरूसँगको सम्बन्ध सुदृढ बनाउन रणनीतिक दिशा तय गर्न महत्वपूर्ण भूमिका खेलेका थिए ।
उनले टेलिनोर ग्रुप अन्तर्गत बङ्गलादेशको ग्रामीणफोन र थाइल्यान्डको डीट्याकमा वरिष्ठ वित्तीय नेतृत्व भूमिका निर्वाह गरेका छन् । यसअघि उनी नेस्ले बङ्गलादेश लिमिटेड र केपीएमजी बङ्गलादेशमा पनि कार्यरत थिए ।
उनले बेलायतको युनिभर्सिटी अफ एडिनबर्ग बिजनेस स्कुलबाट एमबीए गरेका छन्।
