आईसीटी समाचार
डिजिटल शिक्षाको क्षेत्रमा काम गर्दै आएको संस्था निमा एजुकेसन फाउन्डेसनले डिजिटल नेपाल कन्क्लेभ २०२५ सँग सहकार्य गरेको छ । यससँगै डिजिटल नेपाल कन्क्लेभ २०२५ मा डिजिटल एजुकेसन पार्टनरको रूपमा निमा एजुकेसन फाउन्डेसन रहने छ ।
आगामी दिनमा डिजिटल शिक्षालाई थप अगाडि बढाउन कन्क्लेभले महत्त्वपूर्ण दिशा निर्देश गर्ने निमा एजुकेसनका सीईओ निश्चलमान प्रधानले बताए ।
यही साउन ३० गते आइसिटी फाउन्डेसन नेपालले डिजिटल नेपाल कन्क्लेभको चौथो संस्करण आयोजना गर्दैछ, जहाँ सरकार, निजी क्षेत्र, उद्यमी, अनुसन्धानकर्ता र अन्तर्राष्ट्रिय व्यक्तिहरू एउटै मञ्चमा आउने छन् ।
यस पटक ‘डिजिटल सिनर्जीः ट्रान्सफर्मिङ गभर्नेन्स, इकोनोमी एण्ड सोसाइटी’ थिममा बहस र छलफल हुनेछ ।
डिजिटल नेपाल कन्क्लेभमा यस पटक ८ बढी सेसनमा ५० बढी वक्ता, २५ बढी आईडिया र शोधपत्र प्रस्तुती तथा ६०० बढीको सहभागीता हुनेछ । कार्यक्रम बारे थप जानकारी लिन र टिकट काट्नका लागि digitalconclave.org मा जानुहोस् ।
