आईसीटी समाचार
स्विजरल्यान्डको जेनेभामा आयोजना भएको जुनियर रोबोटिक्स फर गुड यूथ च्यालेन्ज २०२५ मा नेपाली टिम दोस्रो हुन सफल भएको छ ।
२५ देशका ७ हजार बढी सहभागी र ५०० बढी टिमसँग प्रतिस्पर्धा गर्दै नेपाली टिम ‘गौतम बुद्ध’ दोस्रो हुन सफल भएको हो ।
यस सफलताले एआई, रोबोटिक्स र नवप्रवर्तनको क्षेत्रमा विश्वमा नेपाललाई नयाँ पहिचान दिएको छ ।
यसमा भेनुजुएलाको टिम प्रथम हुन सफल भएको छ । नेपालभन्दा ५ अंकको अग्रतामा भेनेजुएलाको पहिलो स्थान प्राप्त गरेको हो ।
टिम गौतम बुद्धबाट युनाइटेड स्कुलका आरभ गौतम र परिधि श्रेष्ठ, समृद्धि स्कुलका ऋद्धि मानन्धर तथा केएमसी स्कुलका अनुपम भुजेलले प्रतिस्पर्धा गरेका थिए ।
टिमको मेन्टरमा रोबोटिक्स एशोसिएसन अफ नेपाल (र्यान) का ऋषव राज र किरण खत्री रहेका थिए । यस्तै सल्लाहकारमा रोबोटिक्स एशोसिएसन अफ नेपालका अध्यक्ष विकास गुरूङ रहेका थिए ।
