आईसीटी समाचार
बैंक तथा वित्तीय संस्थाहरूका लागि नेपाल राष्ट्र बैंकले एआई सम्बन्धि नियम बनाउने तयारी थालेको छ ।
एआईको तीव्र विकाससँगै वित्तीय क्षेत्रमा अवसरसँगै नयाँ जोखिमहरू पनि बढिरहेका बेला राष्ट्र बैंकपहिलोपटक वित्तीय क्षेत्रका लागि एआई प्रयोगसम्बन्धी मार्गदर्शन बनाउन लागेको हो ।
आर्थिक वर्ष २०८१/८२ को मौद्रिक नीतिमा गरिएको घोषणाअनुसार ‘आर्टिफिसियल इन्टेलिजेन्स गाइडलाइन्स’ मार्गदर्शनको मस्यौदा सार्वजनिक गर्दै बैंकले राय सुझाव मागेको छ ।
एआईलाई जिम्मेवार, पारदर्शी र नैतिक रूपमा अपनाउन मार्गदर्शन तयार पारिएको राष्ट्र बैंकको भनाइ छ । मुख्यगरी एआई प्रविधिको सुरक्षित र प्रभावकारी प्रयोग, वित्तीय क्षेत्रको दक्षता, नवप्रवर्तन र सेवाको गुणस्तर वृद्धि, पारदर्शीता, डेटा गोपनीयता, जोखिमहरू न्यूनिकरण तथा सबै वर्गका नागरिकसम्म पुग्ने वित्तीय सेवा प्रवर्द्धन गर्ने वातावरण तयार गर्ने उद्देश्यले मार्गदर्शन ल्याउन लागिरहेको बताइएको छ ।
सरोकारवालाहरूले आगामी पुस १५ गतेभित्र आफ्नो राय सुझाव दिन सक्ने छन् । सुझाव लिखित रुपमा अथवा इमेल मार्फत् [email protected] मा पठाउन सकिने छ ।
यस्तो छ मस्यौदा
