आईसीटी समाचार
चौतर्फी विरोध भएपछि टपअप गर्नुपर्ने न्युनतम सीमा ५० रूपैयाँ कायम गर्ने निर्णयबाट नेपाल टेलिकम पछाडि हटेको छ ।
यसअघि नेपाल टेलिकमले फागुन १५ गतेदेखि डिजिटल वालेट, मोबाइल बैंकिङ र एमपोस माध्यमबाट हुने टपअप कम्तिमा ५० रूपैयाँ बनाएको थियो ।
तर विरोध भएपछि उक्त निर्णयबाट तत्काल टेलिकम पछाडि हट्न बाध्य भएको छ । नेपाल टेलिकमका प्रवक्ता हरि ढकालले टपअप सीमा न्युनतम सीमा ५० रूपैयाँ कायम गर्ने निर्णय तत्काललाई होल्ड भएको बताए ।
अब फेरि प्रयोगकर्ताले डिजिटल वालेट, मोबाइल बैंकिङ र एमपोस माध्यमबाट १० रूपैयाँदेखि टपअप गर्न सक्ने छन् ।
