आईसीटी समाचार
अब अष्ट्रेलियाबाट पनि प्लस साइज नेपालका कपडा अनलाइन अर्डर गर्न सकिने छ । क्लोदिङ ब्राण्ड प्लस साइज नेपालले आफ्ना उत्पादनहरू अब अनलाइनमार्फत अष्ट्रेलियामा शिपिङ गर्ने भएको हो ।
पहिलो चरणमा अष्ट्रेलियाबाट अनलाइन अर्डर सेवा सुरू गरिए पनि छिट्टै अन्य देशमा समेत सुविधा विस्तार गर्न लागेको कम्पनीले जनाएको छ । प्लस साइज नेपालको शिपिङ पार्टनरमा डिएचएल रहेको छ । प्लस साइज नेपालको वेबसाइट वा एपबाट कपडा अर्डर गर्दा विदेशमा तपाई रहेको ठाउँमा डेलिभर हुनेछ ।
अष्ट्रेलियामा बस्ने नेपालीले कार्ड प्रयोग गरी कपडा अर्डर गर्न सक्ने छन् । अर्डर गरेको सात दिनभित्रमा सामान डेलिभर हुने प्लस साइज नेपालका सीईओ अनिल बस्नेतले बताए ।
