आईसीटी समाचार
‘१०० ग्लोबल वुमन इन एआई’ सूचीमा नेपालकी नामी बराल पर्न सफल भएकी छन् । १०० डाभोस वुमनले तयार पारेको विश्वभरका १०० वुमन इन एआईको सूचीमा न्युरलकी संस्थापक नामी बराल पनि पर्न सफल भएकी हुन् ।
सन् २०२२ देखि नामीले नेपाली प्रतिभा प्रयोग गरेरै ग्लोबल प्रडक्ट बनाउने गरी आफ्ना श्रीमान नवीन बाँस्कोटासँग मिलेर अर्को स्टार्टअप न्युरल सुरू गरेकी छन्, जसमा काम गर्ने अधिकांश नेपालीहरू छन् ।
सन् २००८ मा पढाइको शिलशिलामा अमेरिका गएकी नामीले सन् २०१८ मा ट्विटरको जागिर छोडेर फिनटेक स्टार्टअप हार्भेस्ट प्लेटफर्म सुरू गरेकी थिइन् । जसलाई सन् २०२१ मा अमेरिकाको सबैभन्दा ठूलो नियो बैंक एकर्न्सले किनेको थियो ।
सन् २०२२ देखि नामीले न्युरललाई ग्लोबल प्रडक्ट बनाउन लागिपरेकी छन् । सन् २०२१ मा फोर्ब्सको द नेक्स्ट थाउजन्समा समेत सूचीकृत हुन सफल उनलाई विदेशमा रहेर नेपालको सूचना प्रविधि क्षेत्रमा उल्लेख्य योगदान पुर्याएको भन्दै नेपाली डायस्पोरा आइसिटी अवार्ड २०२४ समेत प्रदान गरिएको थियो ।
