आईसीटी समाचार
के तपाईं पनि इन्स्टेन्ट म्यासेजिङ एप ह्वाट्सएप को वेब प्रयोगकर्ता हुनुहुन्छ? भने तपाईंका लागि कम्पनी एक नयाँ फिचर ल्याउँदैछ, जसले एप भित्रै एक केन्द्रिय स्थानमा सबै हालसालैका मिडिया फाइलहरू सुरक्षित राख्नेछ ।
हालै ह्वट्सएप वेबको बेटा अपडेटमा यो नयाँ फिचर देखिएको छ । वाबेटाइनफो को रिपोर्ट अनुसार, यस्तै प्रकारको एक फिचर पहिले एन्ड्रोइड २.२४.१३.४ को ह्वाट्सएप बेटा संस्करणमा देखिएको थियो ।
हालसम्म यो फिचर ह्वाट्सएप मोबाइल एपमा उपलब्ध गराइएको छैन् । तर अब यस्तै फिचर ह्वट्सएप वेबका लागि ‘च्याट मिडिया हब’ को नाममा ल्याइँदैछ । खास कुरा के भने, यो फिचर आएपछि तपाईंका मिडिया फाइलहरू हराउने सम्भावना हुँदैन् । तपाईंले सबै मिडिया फाइलहरू एउटै स्थानमा सजिलै हेर्न सक्नुहुनेछ । अब यो विशेष फिचरको विस्तृत जानकारी हेरौँ:
ह्वाट्सएप डेभलपमेन्छ ट्र्याकरले वेब प्रयोगकर्ताहरूका लागि आउँदै गरेको यो नयाँ फिचरको स्क्रिनसट पनि साझा गरेको छ, जुन साइडबारमा देखिनेछ, जसले फाइलहरू खोज्न सजिलो बनाउनेछ ।
रोलआउट भएपछि, प्रयोगकर्ताहरूले च्याटमा सेयर गरिएका मिडिया फाइलहरू: फोटो, भिडियो, र जिआईएफमा सजिलै पहुँच पाउनेछन् । यसको मतलब, अब तपाईंलाई फरक–फरक च्याटमा गएर मिडिया खोजिरहनु पर्ने छैन् ।
ह्वाट्सएप वेबमा च्याट मिडिया हब फिचरमार्फत इमेज, भिडियो, लिंक र डकुमेन्ट व्यवस्थापन गर्न सकिनेछ ।
ह्वाट्सएप एक यस्तो फिचर विकास गर्दैछ, जसले सबै च्याटमा सेयर गरिएका इमेज, भिडियो, जिआईफ, डकुमेन्ट र लिंकहरूलाई एउटै स्थानमा केन्द्रीकृत रूपमा व्यवस्थापन गर्नेछ ।
मिडिया फाइलहरूको अतिरिक्त, यो नयाँ फिचरले फाइल पठाउने व्यक्तिको नाम, मिति र फाइल साइजजस्ता विवरणहरू पनि देखाउनेछ । साथै, यसमा किवर्ड–बेस्ड सर्च र फिल्टर को सुविधा पनि हुनेछ, जसले प्रयोगकर्ताहरूलाई मिति अनुसार सामग्री व्यवस्थापन गर्न र खोज्न सजिलो बनाउनेछ ।
रिपोर्टअनुसार, नयाँ फिचरसँगै प्रयोगकर्ताहरूलाई ’सेलेक्ट बटन’ पनि दिइनेछ, जसबाट धेरै फाइलहरू एकैपटक चयन गरेर डिलिट, डाउनलोड वा फर्वार्ड गर्न सकिनेछ ।
यसले प्रयोगकर्ताहरूलाई सेयर गरिएका सबै मिडिया र डकुमेन्टहरूलाई समूह बनाएर हेर्न, डिभाइसको स्टोरेज व्यवस्थापन गर्न, र अनावश्यक वा ठूला फाइलहरू खोजी गरी हटाउन पनि मद्दत गर्नेछ ।
