स्नेहा झा
आजभोलि अफिसको कामका लागि ल्यापटपको आवश्यकता पर्छ । ल्यापटपको माध्यमबाट सजिलै कुनै पनि ठाउँबाट काम गर्न सकिन्छ । यदि तपाईंसँग ल्यापटप छैन र पहिलो पटक ल्यापटप किन्ने तयारी गर्दै हुनुहुन्छ भने केही कुरामा ध्यान दिनुहोस् । वास्तवमा, धेरैलाई ल्यापटपको बारेमा सही जानकारी हुँदैन् । यसकारण हतारमा प्रायः गलत ल्यापटप किन्दछन् र पछि धेरै प्रकारका समस्याहरूको सामना गर्नु पर्छ ।
ल्यापटपको डिस्प्ले साइज
नयाँ ल्यापटप किन्ने सोचमा हुनुहुन्छ भने पहिले यो निर्धारण गर्नुहोस् कि तपाईँलाई ल्यापटपको स्क्रिन कति ठूलो चाहिन्छ । साथै, के तपाईँ ठूलो ल्यापटप लिएर कतै यात्रा गर्न सक्नुहुन्छ कि हुन्न् भन्ने पनि विचार गर्नुहोस् ।
ब्याट्री र चार्जिङ
यदि तपाईँ नयाँ ल्यापटप किन्ने सोचमा हुनुहुन्छ भने ल्यापटपका लागि ब्याट्री र चार्जिङ निकै महत्त्वपूर्ण हुन्छ । यदि ल्यापटपको ब्याट्री बढी क्षमता भएको छ भने तपाईँ लामो समयसम्म ल्यापटपमा काम गर्न सक्नुहुन्छ । साथै ल्यापटप किन्ने अघि यो पनि जाँच गर्नुहोस् कि ल्यापटपमा फास्ट चार्जिङको सुविधा छ कि छैन, ताकि ल्यापटपलाई छिट्टै चार्ज गर्न सकियोस् ।
र्याम र प्रोसेसर
पहिलो पटक वा नयाँ ल्यापटप घर ल्याउने सोचमा हुनुहुन्छ भने ल्यापटपको र्याम र प्रोसेसरको विशेष ध्यान दिनु आवश्यक छ । यदि ल्यापटपमा र्याम कम छ भने ल्यापटप भारी फाइलहरू चलाउँदा छिट्टै ह्याङ्ग गर्न थाल्छ । साथै कम पावर भएको प्रोसेसरले ल्यापटपको क्षमतामा छिट्टै असर पार्छ ।
स्टोरेजमा ध्यान दिनुहोस्
नयाँ ल्यापटप किन्ने अघि एउटा विशेष कुरामा ध्यान दिनुपर्छ कि ल्यापटपको स्टोरेज राम्रो हुनुपर्छ । आजकल एसएसडी स्टोरेजको समय छ । यद्यपि, बजारमा एचडीडी स्टोरेज भएका ल्यापटपहरू पनि पाइन्छन् । एचडीडी भएका ल्यापटपको मूल्य एसएसडीको तुलनामा निकै कम हुन्छ ।
