आईसीटी समाचार
नेपाल प्रिमियर लिग (एनपीएल) को अनलाइन टिकट बुकिङ सुरू भएको छ । सिद्धार्थ बैंक एनपीएलको टिकेटिङ पार्टनर खल्तीले अनलाइन टिकट बुकिङ खुला गरेको हो ।
टिकट खल्तीको मोबाइल एप (एन्ड्रोइड र आईओएस) वा वेबसाइटबाट खरिद गर्न सकिने छ । टिकटको मूल्य ३ सय रूपैयाँदेखि ८ हजार रूपैयाँसम्म तोकिएको छ ।
उद्घाटन खेलको टिकटको मूल्य साधारणतर्फ ३०० रूपैयाँ र भीआईपीका लागि ७०० रूपैयाँ तोकिएको छ । त्यस्तै अन्य खेलको साधारण सिटको मूल्य तीन सय रुपैयाँ र भीआईपी सिटको मूल्य पाँच सय रुपैयाँ तोकिएको छ ।
प्लेअफका खेलहरूमा जनरल टिकट ५०० रुपैयाँ र भीआईपी टिकट ७०० रुपैयाँको हुनेछ भने फाइनल खेलमा जनरल टिकट ५०० र भीआईपी टिकट १००० रुपैयाँको हुनेछ ।
यस्तै एनपीएल सिजनल पासको मूल्य साधारणतर्फ ४ हजार ४८० र भीआईपीतर्फ ८ हजार २४० रूपैयाँ तोकिएको छ । सिजनल टिकटमा २० प्रतिशत छुट दिइएको जनाइएको छ ।
