आईसीटी समाचार
टिकटकको मालिक बाइटडान्सले चीनमा आफ्नो पहिलो एयरबड्स सार्वजनिक गरेको छ । ‘ओला फ्रेन्ड’ नाममा बाइटडान्सले एआई सुविधायुक्त एयरबड सार्वजनिक गरेको गरेको हो ।
एयरबडबाट प्रयोगकर्ताले स्मार्टफोनको प्रयोग नगरेरै कम्पनीको जेनेरेटिभ एआई च्याटबट डुबाओसँग भ्वाइस कमाण्डमार्फत कुराकानी गर्न सक्ने छन् ।
तर त्यसका लागि आफ्नो फोनमा डुबाओ मोबाइल एप भने इन्स्टल गर्नु पर्नेछ । एक पटक एप डाउनलोड गरेर एयरबड्स कनेक्ट गरिसकेपछि डुबाओ डुबाओ कमाण्ड दिएर कुरा गर्न सकिने छ ।
डुबाओको चीनको लोकप्रिय जेनएआई एप हो, जसका प्रयोगकर्ता गत सेप्टेम्बरमा ४७ मिलियन थिए ।
अहिले चीनमा मात्र उपलब्ध रहेको ६.६ ग्राम तौल रहेको ओला फ्रेन्ड एयरबड्स पर्पल, सिल्भर, कालो र सेतो रङमा आउने छ । यसको मूल्य १ हजार १९९ युआन अथवा १७० अमेरिकी डलर तोकिएको छ ।
डिभाइस अक्टोबर १७ देखि शिप गरिने छ तर त्यो भन्दा अगाडि टिमल, जेडी डटकम र डुइङबाट प्रिबुकिङ गर्न सकिने छ ।
