राष्ट्रिय वाणिज्य बैंकको मोबाइल बैंकिङ एपबाट टपअप र फोनपे डाइरेक्ट गर्दा आईफोन जित्ने अवसर

राष्ट्रिय वाणिज्य बैंकद्वारा 'टपअप र फोनपे डाइरेक्ट' गर्दा आइफोन १६ उपहार पाइने भएको छ । बैंकले एक अफर घोषणामार्फत यसबारे जानकारी गराएको हो । 

 अभियानको मुख्य उद्देश्य राष्ट्रिय वाणिज्य बैंकको मोबाइल बैंकिङप्लेटफर्म मार्फत ग्राहकहरूलाई डिजिटल कारोबार गर्न प्रेरित गर्नु भएको बैंकले जनाएको छ।

अभियानमा सहभागी हुन ग्राहकहरूले आरबीबी डिजिटल संसार मोबाइल बैंकिङ एपमार्फत कम्तीमा १०० रूपैयाँको मोबाइल टपअप र कम्तीमा ५०० रूपैयाँको फोनपे डाइरेक्ट कारोबार गर्नुपर्ने कारोबार पुरा गरी ग्राहकहरू साप्ताहिक तथा बम्पर उपहारका लागि योग्य बन्न सक्ने बैंकले जनाएको छ । 

यस अभियान अन्तर्गत हरेक हप्ता १०० जना भाग्यशाली विजेताले १०० रूपैयाँको मोबाइल टपअप प्राप्त गर्न सक्नेछन् । साथै, अभियानको अन्त्यमा, एक भाग्यशाली ग्राहकलाई नयाँ iPhone 16 उपहार जित्न सक्ने जनाइएको छ। चैत्र १ गतेदेखि सुरु भएको यो अभियान चैत्र ३१ गते सम्म सञ्चालन हुनेछ।