आईसीटी समाचार
राहदानी विभागको सर्भरमा समस्या आउँदा पाँच दिनदेखि राहदानी वितरण सेवा अवरूद्ध भएको छ ।
विभागको सर्भरमा समस्या देखिएपछि विभागसहित जिल्ला प्रशासन कार्यालयहरू र विदेशस्थित नेपाली नियोगहरूबाट राहदानी सेवा प्रभावित भएको हो ।
समस्या समाधानका लागि प्राविधिक टोलीले निरन्तर काम गरिरहेको विभागले बताएको छ । बुधबारदेखि सर्भरमा समस्या हुँदा सेवाग्राही मर्कामा परेका छन् ।
सर्भरमा मालवेयर छिरेको थाहा पाएपछि प्रणालीमा जोखिम नहोस् भनेर बन्द गरिएको विभागको भनाइ छ । विभागका अनुसार तथ्यांकको सुरक्षा लगायतका दृष्टिबाट सबै समस्या समाधान भएपछि सेवा सुचारू हुनेछ ।
