आईसीटी समाचार
अब अमेरिकाबाट पनि प्लस साइज नेपालका कपडा अनलाइन अर्डर गर्न सकिने छ । क्लोदिङ ब्राण्ड प्लस साइज नेपालले आफ्ना उत्पादनहरू अब अनलाइनमार्फत अमेरिकामा शिपिङ गर्ने भएको हो ।
केही समय अगाडि अष्ट्रेलियाबाट सुरू भएको अनलाइन अर्डर सेवा सुरू अमेरिका र भारतमा समेत विस्तार गरिएको छ । प्लस साइज नेपालको शिपिङ पार्टनरमा डिएचएल रहेको छ । प्लस साइज नेपालको वेबसाइट वा एपबाट कपडा अर्डर गर्दा विदेशमा तपाई रहेको ठाउँमा डेलिभर हुनेछ ।
अमेरिकामा बस्ने नेपालीले कार्ड प्रयोग गरी कपडा अर्डर गर्न सक्ने छन् । अर्डर गरेको सात दिनभित्रमा सामान डेलिभर हुने प्लस साइज नेपालका सीईओ अनिल बस्नेतले बताए ।
प्लस साइज नेपाल विशेष गरी महिलाहरू माझ परिचित छ । प्लस साइज नेपालले नेपालमै कपडा उत्पादन गरेर विश्वभर नेपाली उत्पादन पुर्याउन लागिरहेको वस्नेतको भनाइ छ ।
नेपालमा आउटलेटबाट समेत उत्पादन विक्री वितरण भइरहेको छ । कम्पनीमा अहिलेसम्म २०० बढीले रोजगारी पाएका छन् । प्लस साइजको वेबसाइट तथा मोबाइल एपबाट उत्पादन अर्डर गर्न सकिने छ ।
