आईसीटी समाचार
विश्वको प्रतिष्ठित डिजाइन हाउस शांघाई लन्च अटोमोटिभको पहिलो प्रीमियम एसयूभी एलईभी ०१ को आधिकारिक बिक्रेतामा वेबोर ग्रुप अंतर्गतको नेक्सन भेञ्चर्स प्रालि नियुक्त भएको छ ।
योसँगै शांघाई लन्च अटोमोटिभको पहिलो राइट ह्याण्ड ड्राइभ मोडलको रुपमा तयार पारेको प्रीमियम एसयूभी एलईभी ०१ नेपालमा आउँदै छ । एलईभी ०१ ले वातावरणमैत्री ड्राइभिङ अनुभव उपलब्ध गराउने छ र नेपाली अटोमोबाइल उद्योगको विकासमा महत्वपूर्ण योगदान पुर्याउने आशा गरिएको छ ।
यसले उच्च गुणस्तरीय सेवा प्रदान गरेर ग्राहकको सन्तुष्टिलाई प्राथमिकता दिने लक्ष्य राखेको कम्पनीले जनाएको छ । साथै बिक्री पछि सेवा र प्राविधिक सहयोग पनि उपलब्ध हुनेछ ।
प्रिमियम इलेक्ट्रीक एसयूभी एलईभी ०१ को लम्बाई ४६४० एमएम, चौडाई १८७० एमएम, उचाई १६५५ एमएम रहेको छ । यसको ह्वीलबेस २७६० एमएम छ । १९ इन्चको ह्वील रहेको एलईभी ०१ को ग्राउण्ड क्लियरेन्स १९० एमएम छ ।
यसमा ६७.१ किलोवाट आवरको लिथियम आइरन फस्फेट ब्याट्री र ९९ किलोवाटको मोटर राखिएको छ भने ५०० किलोमिटर बढी रेञ्ज दिने कम्पनीको दाबी छ । डीसी फास्ट चार्जरको प्रयोग गरी यसलाई ३५ मिनेटमै ३० देखि ८० प्रतिशतसम्म चार्ज गर्न सकिन्छ ।
