आईसीटी समाचार
भुक्तानी सेवा प्रदायकहरूले पेमेन्ट सर्भिस प्रोभाइडर्स (पीएसपी) एशोशिएसन नेपाल गठन गरेका छन् ।
नेपालको फिनटेक क्षेत्रलाई उन्नत बनाउन र सरोकारवालाहरूसँग सहकार्य गर्न गैरनाफामुलक संस्था पीएसपी एशोशिएसन नेपाल गठन भएको हो ।
संस्थाको अध्यक्षमा आईएमई पेका सीईओ प्रविण रेग्मी, उपाध्यक्षमा खल्तीका सीईओ विनय खड्का, महासचिवमा सिटी पेका सीईओ विनय रेग्मी, कोषाध्यक्षमा माई पेका सीओई मनोज मेहता रहेका छन् ।
यस्तै कार्यसमिति सदस्यमा मोका सीईओ प्रणय राजभण्डारी, सेलपेका प्रबन्ध निर्देशक प्रवन प्रधान, प्रभु पेका सीईओ विक्की शाही, मोरूका पुनम बस्नेत र हाम्रो पेका सीईओ शिशिर पोखरेल चयन भएका छन् ।
भुक्तानी सेवा प्रदायकहरूको एकीकृत आवाजको रूपमा पीएसपी एशोशिएसनले काम गर्नेछ । संस्थाले नीतिहरूको वकालत, भुक्तानी प्रक्रियाको मादपदण्ड प्रवर्द्धन र इन्नोभेसनलाई अगाडि बढाउने बताइएको छ ।
पीएसपी एशोशिएसन नेपालका संस्थापक अध्यक्ष प्रविण रेग्मीले संस्थालाई सहकार्य, वृद्धि र प्रभावकारी परिवर्तनको प्लेटफर्म बनाउने प्रतिबद्धता व्यक्त गरेका छन् ।
