रेडमी नोट १४ प्रो फाइभजीमा क्वालकमको नयाँ स्नापड्रागन ७ एस जेन थ्री चिपसेट प्रयोग

शाओमी आफ्ना ग्राहकहरूको लागि रेडमी नोट १४ प्रो फाइभजी फोन ल्याउँदैछ । कम्पनीले यस फोनको चिपसेटबारे आधिकारिक जानकारीहरू दिएको छ । फोन स्नाड्रागन ७ एस जेन थ्री चिपसेटसँग सार्वजनिक हुनेछ । यसैसँगै,रेडमी नोट १४ प्रो फाइभजी त्यो पहिलो फोन हुनेछ जुन यो चिपसेटसँग ल्याइनेछ । मिड–रेन्ज क्याटेगरीमा रेडमी नोट १४ प्रो फाइभजी फोनलाई निकै विशेष मानिएको छ ।

रेडमी नोट १४ प्रो फाइभजीको क्यामेरा सेटअपबारे पनि केही जानकारीहरू खुलिसकेका छन् । यस फोनको ग्लोबल भर्सन ट्रिपल क्यामेरा सिस्टमसँग ल्याइने विश्वास गरिएको छ । यस फोनमा टेलिफोटो लेन्स उपलब्ध हुनेछ ।

यस सेन्सरसँग, प्रयोगकर्ताले कुनै पनि वस्तुलाई जुम गरेर नजिकबाट हेर्ने सुविधा पाउनेछन् । जुम गर्दा फोटोको स्पष्टतामा कुनै असर देखिनेछैन, र यो क्लियर देखिनेछ । रेडमी नोट १४ प्रो फाइभजीको चिनियाँ भेरिएन्टको कुरा गर्दा, यो म्याक्रो लेन्ससहित ल्याउन सकिन्छ । यो लेन्स क्लोज–अप शट्सका लागि उपयोगी हुनेछ ।

शाओमीको अपकमिंग फोनको जानकारी हाईपर ओएस सोर्स कोडबाट बाहिर आएको हो । यस नयाँ चिपसेटलाई स्नापड्रागन ७ एस जेन थ्रीभन्दा उत्कृष्ट बनाइएको छ । यो चिपसेट २० प्रतिशत राम्रो सिपियू प्रदर्शन प्रदान गर्नेछ ।

यसका साथै, चिपसेट ४० प्रतिशत बढी जीपीयू पावरले लैस हुनेछ । यसको अर्थ, यो चिपसेटसहितको फोन मल्टीटास्किङ र गेमिङका लागि विशेष मानिनेछ । यो चिपसेटलाई एआई सुविधाहरूका साथ सस्तो फोनहरूका लागि ल्याइएको हो। चिपसेट ३० प्रतिशत राम्रो एआई प्रदर्शन र १२ प्रतिशत समग्र पावर सेभिङका लागि विशेष छ ।