आईसीटी समाचार
मोरू डिजिटल वालेटले फोनपे क्युआरमा आधारित रिपिट क्युआर भुक्तानी सुविधा उपलब्ध भएको छ ।
योसँगै अब एउटै ठाउँमा क्युआरबाट भुक्तानी गर्न पटक पटक क्युआर स्क्यान गर्ने झन्झट हुनेछैन् ।
क्युआर भुक्तानीमा नयाँ अनुभव दिने मोरूले नेपालको डिजिटल वालेट उद्योगमै रिपिट क्युआर भुक्तानी सुविधा ल्याएको मोरूका सीईओ श्रीष पौडेलले बताए ।
‘रिपिट क्युआर फिचर वालेट उद्योगमै नयाँ हो । यसबाट प्रयोगकर्ताले क्युआर भुक्तानीमा नयाँ अनुभव लिन सक्नेछन,’ उनले भने, ‘मर्चेन्टलाई भुक्तानी गर्दा पटक पटक क्युआर मागिरहनु पर्दैन् । पुरानो भुक्तानी हेरेर पेमेन्ट रिपिट गर्न सकिन्छ ।’
अहिलेसम्म क्युआरबाट भुक्तानी गर्दा प्रत्येक पटक क्युआर स्क्यान गर्नुपर्ने झन्झट थियो । तर अब मोरूले रिपिट क्युआर पेमेन्ट सुविधाले त्यो झन्झट हटाएको छ ।
अब कुनै पनि व्यक्तिले मर्चेन्टलाई भुक्तानीका हरेक पटक क्युआर स्क्यान नगरी पुरानो क्युआर भुक्तानीको हिस्ट्री हेरेर त्यहीबाट भुक्तानी गर्न सकिने छ ।
