इसेवा वा कनेक्ट आईपीएसबाट बोलिरहेको छु भन्दै ठगी, सचेत हुन साइबर ब्यूरोको अनुरोध

इसेवा वा कनेक्ट आईपीएसबाट बोलिरहेको छु भन्दै आउने भ्रामक फोनमा विश्वास नगर्न साइबर ब्यूरोले अनुरोध गरेको छ । 

इसेवा वा कनेक्ट आईपीएसबाट बोलिरहेको छु भन्दै आर्थिक ठगी हुने गतिविधि बढ्दै गएपछि ब्यूरोले सचेत हुन अनुरोध गरेको हो । 

पछिल्लो समय विभिन्न फोन नम्बरहरूबाट ईसेवा वा कनेक्ट आईपीएसबाट बोलिरहेको छु र तपाईलाई बोनस/चिठ्ठा प्राप्त भएकोले एसएमएसमार्फत पठाइएको लिङ्कमा क्लिक गर्न वा सो लिङ्ङ्कलाई कुनै अन्य नम्बरमा फरवार्ड गर्नुहोस् भन्ने जस्ता फोन कल आउने गरेका छन् । 

त्यस्ता लिङ्ङ्कमा क्लिक गर्दा वा फरवार्ड गर्दा सम्बन्धित उपकरणमा लगइन भइरहेका इसेवा वा कनेक्ट आईपीएसका क्रेडेन्सियल (User name/Password) ह्याक गरी आर्थिक ठगी हुने गतिविधी बढ्दै गएको छ ।  

साथै आम जनमानसमा यस्ता भ्रामक फोन कलहरूमा विश्वास नगर्न साथै त्यस्ता लिङ्कमा Click/forward समेत नगर्न हुन साइबर ब्यूरो सबैमा अनुरोध छ ।