आईसीटी समाचार
माघ २३ गतेदेखि सागर ग्रुपको कर्पोरेट हाउस कलंकीमा प्रविधि मेला अर्थात आईटी एक्सपो सुरू भएको छ । माघ २९ गतेसम्म सञ्चालन हुने यस मेललाई कम्पनीले बेलियो एक्सपिरियन्स, टेक्नोलोजी एण्ड लाईफस्टायल नाम दिएको छ ।
ब्राण्ड र ग्राहक विचको सामिप्यता अझ गहिरो बनाउन सागर ग्रुपले मेला आयोजना गरेको जनाएको छ । मेलामा सागर ग्रुपका विभिन्न ब्राण्ड तथा उत्पादनका बारेमा थप र विस्तृत जानकारी प्राप्त गर्न सकिन्छ ।
यस मेलामा विभिन्न ब्राण्डका प्रतिनिधि, सेल्स रिप्रिजेन्टेटीभ र टेक्निसियनहरु समेत मेला स्थलमा उपलब्ध भई उत्पादन तथा सेवाका बारेमा विस्तृत जानकारी उपलब्ध गराउने छन् ।
सागर ग्रुपको यो प्रविधी मेलामा ब्रदर, कोनिका मिनोल्टा, क्यास्परस्की, एनइसी, माईक्रोप्याक, एक्स ल्याब, सिमी भोग, आईडीपी, जेबेक्स, टोटोलिङ्क, हनिवेल, सिओ लगायतका ब्राण्डहरु रहेका छन् ।
यस मेलामा उत्पादन तथा सेवा खरिद गर्ने ग्राहकहरुले अतिरिक्त छुट तथा सेवा समेत प्राप्त गर्नेछन् भने मेला लक्षित गरि ब्रदर तथा कोनिका मिनोल्टाले नयाँ उत्पादनहरु समेत लन्च गरेको छ । यस कार्यक्रमा सहभागिलाई विभिन्न किसिमका ट्रेनिङहरू समेत प्रदान गरिने छ ।
प्रत्येक दिन विहान १० बजेदेखि साँझ ५ बजे सम्म ७ दिनसम्म संचालन हुने यो एक्स्पोमा भ्रमण अवलोकन गर्ने आगन्तुकहरुलाई हाईटी तथा गिफ्ट ह्याम्पर प्रदान गरिने छ भने उपस्थित मध्येबाट एक जनालाई लक्कि ड्रको माध्यमबाट एक्स ल्याव ल्यापटप उपहार प्रदान गरिनेछ ।
