आईसीटी समाचार
सामसङ नेपालले आफ्नो नयाँ ग्यालेक्सी स्मार्टफोन खरिदकर्ताहरूका लागि विशेष मल्टी-बाइ अफर सार्वजनिक गरेको छ, जसअन्तर्गत ग्राहकहरूले ग्यालेक्सी वेरेबल्स—जस्तै वाच र बड्समा ५३ प्रतिशतसम्म छुट पाउने भएका छन्।
यो अफर सीमित अवधिका लागि नेपालभरका सामसङका अधिकृत स्टोरहरूमा उपलब्ध रहेको कम्पनीले जनाएको छ। अफर अन्तर्गत सामसङका नयाँ फ्ल्यागशिप, ए–सिरिज र एम–सिरिजका स्मार्टफोनहरू खरिद गर्दा, चुनिएका ग्यालेक्सी वाच र बड्समा विशेष मूल्यमा खरिद गर्न सकिनेछ।
सामसङका अनुसार यो अफरले प्रयोगकर्तालाई स्मार्टफोनसँगै ग्यालेक्सी वाच ८ सिरिज र बड्स ३ लाइनअप जस्ता उपकरणहरू जोडेर “पूर्ण ग्यालेक्सी अनुभव” लिन सक्षम बनाउनेछ। यी वेरेबल्समा रक्तचाप, ईसीजी जस्ता उन्नत स्वास्थ्य ट्र्याकिङ सुविधा, सहज कनेक्टिभिटी, र ग्यालेक्सीद्वारा सञ्चालित उच्चस्तरीय अडियो अनुभव उपलब्ध छन्।
सामसङ नेपालका निर्देशक प्रणय रत्न स्थापितले भने, “सामसङमा हाम्रो लक्ष्य सधैं एक कनेक्टेड इकोसिस्टम सिर्जना गर्नु रहेको छ जसले दैनिक जीवनलाई सरल र समृद्ध बनाउँछ। यो अफरमार्फत हामी ग्राहकहरूलाई ग्यालेक्सी कनेक्टिभिटीको पूर्ण शक्ति सहज रूपमा अनुभव गर्न अवसर दिइरहेका छौं।”
ग्राहकहरूले हुलास फिनसर्भ हायर पर्चेज लिमिटेड द्वारा सञ्चालित सामसङ इन्स्टा फाइनान्स सेवामार्फत ० प्रतिशत ब्याजदरमा इएमआई योजनाबाट नयाँ डिभाइस प्राप्त गर्न सक्नेछन्। प्रक्रिया सहज छ — केवल नागरिकता प्रमाणपत्र भए पुग्छ।
