आईसीटी समाचार
नेपाल राष्ट्र बैंकबाट भुक्तानी प्रणाली सञ्चालनका लागि अनुमति प्राप्त संस्था स्मार्ट च्वाइस टेक्नोलोजिज लिमिटेड (एससीटी) ले दशैं, तिहार र छठ पर्व लक्षित गर्दै ‘स्मार्ट सेलिब्रेसन्स बाईएससीटी’ नामक विशेष अफर सार्वजनिक गरेको छ ।
यस अफर अन्तर्गत ग्राहकले नेपालभरिका १ सय २० भन्दा बढी शाखा रहेको चेन स्टोर बिग मार्टमा एससीटी–युनियनपे कार्डबाट भुक्तानी गर्दा १० प्रतिशत छुट पाउने भएका छन् ।
यस वर्ष घटस्थापना अर्थात् ६ असोजदेखि सुरु हुने यो अफर १० कात्तिकसम्म लागु हुनेछ । अफर अवधिभरि ग्राहकले बिग मार्टमा एससीटी–युनियनपे कार्ड प्रयोग गरी भुक्तानी गर्दा प्रत्येक पटक १० प्रतिशत तत्काल छुट प्राप्त गर्न सक्नेछन् ।
एक पटकको कारोबारमा अधिकतम १०० रुपैयाँसम्मको छुट प्राप्त गर्न सकिने छ । यो छुट प्राप्त गर्न ग्राहकले अनिवार्य एससीटी–युनियनपे कार्ड प्रयोग गरी प्वाइन्ट अफ सेल (पीओएस) मेसिन मार्फत भुक्तानी गर्नुपर्ने छ ।
एससीटीले यो अफर घटस्थापनादेखि छठसम्म बिग मार्टका सम्पूर्ण शाखामा लागु हुने जनाएको छ । यो पहलले कार्डको अधिकतम प्रयोगलाई प्रोत्साहन गर्नुका साथै नगद रहित कारोबारलाई बढावा दिने उद्देश्य राखेको छ ।
हाल एससीटीले २३ बैंक तथा वित्तीय संस्था र १ सयभन्दा बढी सहकारी संस्थामार्फत एससीटी–युनियनपे कार्ड जारी गर्दै आइरहेको छ ।
एससीटी–युनियनपे कार्ड नभएका ग्राहकले पनि यस अफरमा सहभागी हुन आफ्नो नजिकको बैंक वा वित्तीय संस्थामा सम्पर्क गरी एससीटी–युनियनपे कार्ड प्राप्त गर्न सक्नेछन् ।
