आईसीटी समाचार
हल्ट प्राइज काठमाडौँ विश्वविद्यालयको सेमिफाइनल राउन्ड नेपाल कलेज अफ म्यानेजमेन्ट (एनसीएम) ललितपुरमा सम्पन्न भएको छ ।
सेमिफाइलनमा काठमाडौँ विश्वविद्यालयका विद्यार्थीहरूको अन्तिम चरणमा पुग्न प्रतिस्पर्धा गरेका थिए । प्रतिस्पर्धीको मूल्यांकनका लागि ६ जनाको मूल्यांकन समिति रहेको थियो, जसमा लुकेको लका संस्थापक सुरज तिमल्सिना, ईका कोम्बुचा संस्थापक अमित क्षेत्री, आइटी उद्योगकी शिक्षिका सङ्गीता शर्मा, गोल्डेन फिडेलिटीका सीईओ मनिष देवकोटा, र सुभ यात्राका सीईओ दर्शन खनाल थिए ।
सेमिफाइनलमा कुल १४ वटा टोलीहरूले प्रतिस्पर्धा गरेका थिए । उनीहरूले विश्वव्यापी चुनौतीहरूको समाधान गर्ने आफ्ना अनौठा र सृजनात्मक विचार प्रस्तुत गरेका थिए ।
प्रस्तुतिपछि निर्णायकहरूले पाँच वटा टोलीहरूलाई अन्तिम चरणका लागि छनोट गरेका छन् । फाइनलमा ब्रेथबक्स, फिल्टर फिक्चर्स, न्युट्रिनेस्ट, मिरा र सिनर्जी पुगेका छन् । कार्यक्रममा फाइनलिस्ट टोलीहरूलाई प्रमाणपत्र पनि प्रदान गरिएको थियो ।
