आईसीटी समाचार
स्मार्टफोन अहिले हाम्रो जीवनको एक महत्वपूर्ण हिस्सा बनिसकेको छ । धेरै कामहरू यस्ता छन् जुन स्मार्टफोन बिना गर्न गाह्रो हुन्छ । फोनलाई सदैव साथीसँगै राख्नका लागि लामो ब्याट्री ब्याकअप आवश्यक पर्छ, तर यो धेरै मानिसहरूको ठूलो समस्या बनेको छ । आजकालका स्मार्टफोनमा विभिन्न एडभान्स फिचरहरू भएका कारण ब्याट्री ब्याकअपको समस्या झनै गम्भीर देखिन्छ ।
यदि तपाईं पनि यस समस्याबाट प्रभावित हुनुहुन्छ भने, चिन्ता गर्न आवश्यक छैन् । बरु, तपाईंले केही कुरामा ध्यान दिनुपर्छ जसले तपाईंको स्मार्टफोनको ब्याट्री ब्याकअप सुधार गर्न मद्दत गर्नेछ ।
स्क्रिनको ब्राइटनेस कम गर्नुहोस्
स्क्रिन ब्राइटनेस यस्तो तत्व हो जसले सबैभन्दा धेरै र छिटो ब्याट्री खपत गर्छ । छिट्टै ब्याट्री समाप्त हुने समस्या अक्सर ती व्यक्तिहरूलाई सताउँछ, जसले रातदिन फुल ब्राइटनेसमा फोन चलाउँछन् । त्यसैले, तपाईंले स्क्रिनको ब्राइटनेस कम गर्नु अत्यन्तै आवश्यक छ । यसले ब्याट्री ब्याकअपलाई धेरै सुधार गर्न सक्छ । तपाईंले स्क्रिन ब्राइटनेसलाई अटोमेटिक मोडमा राख्न सक्नुहुन्छ, जसले आवश्यकता अनुसार आफैं कम वा बढी हुन्छ ।
ब्लुटुथ र वाइफाई बन्द गर्नुहोस्
जब ब्लुटुथ र वाइफाईको आवश्यकता हुँदैन, तब यसलाई खुला राख्नुको कुनै मतलब हुँदैन् । त्यसैले, ब्याट्री बचाउनका लागि यी फिचरहरू बन्द गर्नुहोस् ।
ब्याकग्राउन्ड एप्स बन्द गर्नुहोस्
स्मार्टफोनमा केही यस्ता एप्स हुन्छन्, जसले नचलाउँदा पनि ब्याट्री खपत गरिरहेका हुन्छन् । त्यसैले, यी एप्सलाई बन्द गर्नु नै उचित हुन्छ । विशेष गरी, ब्याकग्राउन्डमा चलिरहेका एप्सले ब्याट्री छिट्टै समाप्त गराउँछन् ।
पावर सेभिङ मोड प्रयोग गर्नुहोस्
पावर सेभिङ मोड ब्याट्री ब्याकअप बढाउन उपयोगी विकल्प हो। यसले ती कुराहरूलाई स्वचालित रूपमा बन्द गर्छ, जसको हरेक समय आवश्यकता हुँदैन् । यो मोड अन गर्दा ब्याट्रीको खपत कम हुन्छ ।
ब्याट्रीलाई सही तरिकाले चार्ज गर्नुहोस्
स्मार्टफोनको ब्याट्रीलाई सही तरिकाले चार्ज गर्नाले ब्याट्री ब्याकअप बढ्न सक्छ। त्यसैले, ब्याट्रीलाई ० प्रतिशत देखि १०० प्रतिशतसम्म चार्ज गर्न प्रयास गर्नुहोस् र बारम्बार चार्ज गर्नबाट बच्नुहोस् । साथै, चार्ज गर्ने क्रममा फोन प्रयोग नगर्नुहोस् ।
