आईसीटी समाचार
सफ्टवेरिका कलेजका १० नेपाली विद्यार्थीले कोभेन्ट्री युनभिर्सटीमा बेलायती शिक्षाको अनुभव लिएका छन् । सफ्टवेरिका कलेज अफ आईटी एण्ड ई-कमर्सले हरेक वर्ष कोभेन्ट्री युनिभर्सिटीसंगको सहकार्यमा कोभेन्ट्री इमर्सन कार्यक्रम लागि १० जना नेपाली विद्यार्थीहरुले भाग लिने अवसर पाएका थिए ।
यस वार्षिक कार्यक्रमले विद्यार्थीहरूलाई विश्वस्तरीय शिक्षा प्रणालीसँग प्रत्यक्ष अनुभव गर्ने र बेलायतको संस्कृतिमा डुब्न सुनौलो अवसर प्रदान गरेको थियो ।
यसैबीच, विद्यार्थीहरूले कोभेन्ट्री विश्वविद्यालयको भ्रमण गरे, त्यहाँको कक्षाहरूमा संलग्न भए, र विभिन्न गतिविधिमा भाग लिने मौका पाएका थिए । साथै, सफ्टवेरिका कलेजको व्यवस्थापन टोलीको पनि सक्रिय सहभागिता थियो र यसले हामीले आयोजना गर्ने कार्यक्रमको गुणस्तर र विद्यार्थी प्रति हाम्रो प्रतिबद्धतालाई देखाउँछ ।
यस भ्रमणको क्रममा, विद्यार्थीहरूले समृद्ध सांस्कृतिक विविधता हेर्ने र विभिन्न आकर्षक पर्यटकीय ठाँउहरु जस्तैः लन्डनको रोचक शहर र स्कटल्याण्डको प्राकृतिक सौन्दर्यले भरिएको स्थानहरु घुम्ने मौका पाएका थिए ।
सफ्टवेरिका कलेजका क्याम्पस प्रमुख प्रमोद पौडेलले विद्यार्थीहरूलाई यस्तो विश्वव्यापी प्रदर्शन दिने कार्यक्रम उनीहरुको वृद्धि विकासको लागि निकै महत्त्वपूर्ण भएको बताए । बेलायत भ्रमणका लागि कलेजले विद्यार्थीहरूलाई हवाई भाडा र आवास खर्च उपलब्ध गराएको थियो ।
