आईसीटी समाचार
साउथ एशिया स्टार्टअप आइसिटी अवार्ड २०२४ भारतको स्टार्टअप हाइफेन एससीएसले पाएको छ । शुक्रबार ह्यात रिजेन्सी काठमाडौंमा आयोजना भएको इन्ड्राइभ आइसिटी अवार्ड २०२४ सपोर्टेड बाई एनसेल फाउन्डेसन इन एशोशिएसन विथ नेपालपे क्युआर, जेनस र जुमको ग्राण्ड फिनाले कार्यक्रममा हाइफेन एससीएसलाई सो अवार्ड प्रदान गरिएको हो ।
दक्षिण एशियाली देशहरूका स्टार्टअप र इन्नोभेसन प्रवर्द्धन र प्रोत्साहन गर्ने उद्देश्यले साउथ एशिया स्टार्टअप आइसिटी अवार्ड प्रदान गरिदै आइएको छ ।
यस विधामा नेपाल, भारत, भुटान, बंगलादेश, श्रीलंका, पाकिस्तान, अफगानिस्तान र माल्दिभ्सबाट आवेदनहरू प्राप्त भएका थिए ।
प्राप्त आवेदनबाट विज्ञ जुरीहरूको निर्णय अनुसार हाइफेन एससीएसले साउथ एशिया स्टार्टअप आइसिटी अवार्ड २०२४ प्राप्त गर्न सफल भएको हो ।
वेरहाउजिङ र फुलफिलमेन्ट इकोसिस्टमलाई रूपान्तरण गर्न स्थापना भएको भारतीय स्टार्टअप हो, हाइफेन एससीएस । यसले वेयरहाउजिङ सेवाका लागि फुलस्ट्याक प्लेटफर्म प्रदान गरिरहेको छ ।
सन् २०२३-२०२४ कम्पनीले ८ मिलियन अमेरिकी डलर आम्दानी गरेको छ । यसले रिलायन्स, आईटीसी, बर्जर पेन्ट्स लगायत १४० बढी क्लाइन्टलाई सेवा प्रदान गरिरहेको छ ।
