आईसीटी समाचार
मेटाको सामाजिक सञ्जाल थ्रेड्समा पोल र जीआईएफ पोष्ट गर्ने फिचर उपलब्ध हुने भएको छ । बिहीबार मेटाका सीईओ मार्क जुकरबर्गले नयाँ अपडेटको घोषणा गरेका थिए ।
पोल र जीआईएफ पोष्ट गर्न मिल्ने फिचर एप र वेबमा रोलआउट हुन सुरू भएको छ । यद्यपी प्रयोगकर्ताहरूले पहिलेदेखि नै थर्डपार्टी किबोर्डहरू प्रयोग गरेर जीआईएफ पोष्ट गर्दै आएका थिए ।
तर अब प्रयोगकर्ताले थ्रेड्समै जीआईएफ बटन पाउने छन् । पोलका लागि प्रयोगकर्ताले भोटका लागि ४ वटा विकल्प थप गर्न सक्ने छन् ।
कुनै पनि विषयमा वा विचारमा पोल पोष्ट गरेपछि उक्त पोल २४ घण्टासम्म खुला रहने छ । पोलको नतिजा मतदानमा सहभागी हुनेले मात्रै हेर्न पाउने छन् ।
