आईसीटी समाचार
कम्प्युटर एशोशिएसन नेपाल (क्यान महासंघ) को अध्यक्षमा सुनैना घिमिरे पाण्डे निर्विरोध चयन हुने भएकी छन् ।
नयाँ कार्यसमिति चयनका लागि बुधबार ३ बजेसम्म नाम दर्ता गर्ने समयमा अध्यक्ष पदका लागि पाण्डेको मात्रै मनोनयन दर्ता भएपछि उनी निर्विरोध चयन हुने भएकी हुन् ।
यो पनि पढ्नुहोस
पाण्डे निर्विरोध भएपनि औपचारिक घोषणा भने पुस १३ गते हुनेछ । पुस १३ गते क्यान महासंघको ३१औं वार्षिक साधारणसभा तथा १५औं महाधिवेशन हुँदैछ ।
उक्त महाधिवेशनबाट महासंघको नयाँ नेतृत्व समेत चयन हुनेछ, जसमा क्यान महासंघले पहिलो पटक महिला अध्यक्षको रूपमा पाण्डेलाई पाउँदैछ ।
यो पनि पढ्नुहोसः ‘एनसेल वुमन आइकन आइसिटी अवार्ड २०२३’ बाट सुनैना घिमिरे पाण्डे सम्मानित
अध्यक्ष बाहेकको अन्य पदमा भने निर्वाचन हुनेछ । क्यानको संरचनाअनुसार पदाधिकारीहरुका लागि पहिला सदस्य पदमा निर्वाचित हुनुपर्नेछ । अनि मात्रै अन्य पदहरुको लागि निर्वाचनमा सहभागी हुन सकिने छ ।
