आईसीटी समाचार
ग्लोबल मोबिलिटी तथा अर्बन सर्भिस प्लेटफर्म इनड्राइभले १० अक्टोबर २०२५ का साँझ होटल याक एण्ड येतीमा आफ्नो नयाँ इनड्राइभ ३६० डिग्री अभियान सार्वजनिक गरेको छ । सोही कार्यक्रममा इनड्राइभले नेपालका लागि नयाँ ब्रान्ड एम्बेसेडरका रुपमा चर्चित नायिका स्वस्तिमा खड्का लाई औपचारिक रुपमा प्रस्तुत पनि गरेको थियो । समारोहमा सञ्चारकर्मी, इन्फ्लुएन्सर, व्यवसायिक साझेदार तथा नेपालमा वृद्धि हुँदै गएको राइड–हेलिङ समुदायका प्रतिनिधिहरूको उपस्थिति रहेको थियो ।
इनड्राइभले आफ्नो ३६० डिग्री अभियानलाई परिचय गराउँदै कम्पनीको “योर जर्नी बिगिन्स विथ योर च्वाइस” भन्ने मूल विश्वास पुनः पुष्टि गरेको छ जुन यात्रु र चालकबीच बार्गेन गरी निष्पक्ष भाडा निर्धारण गर्ने, पारदर्शिता र पारस्परिक लाभ सुनिश्चित गर्ने दर्शनमा आधारित छ । कार्यक्रममा इनड्राइभ नेपालको प्रतिनिधिहरूले भने कि यो अभियानले मोबिलिटी, समुदाय संलग्नता र प्रयोगकर्ता सशक्तिकरणसमेत समेट्ने पूर्ण परिप्रेक्ष्य प्रस्तुत गर्दछ ।
ब्रान्ड एम्बेसेडरका रुपमा परिचय गरिएकी स्वस्तिमा खड्का पेशागत चिनारी तथा सार्वजनिक प्रभावका कारण रोजाइमा परिन् । कम्पनीले जनाएको छ कि स्वस्तिमालाई आवद्ध गर्दा इनड्राइभको मूल्यमान्यता जस्तो रोजाइको स्वतन्त्रता र निष्पक्षताको विचारले अझै प्रभुत्व पाउने विश्वास राखिएको छ । आयोजकहरूले थपे कि यो सहकार्यले नेपाली यात्रु र चालकबीच भरोसा र पारदर्शितामा नयाँ आयाम थप्नेछ ।
समारोहमा प्रस्तुत वक्तव्यहरूमा इनड्राइभका प्रतिनिधिहरूले नेपालमा प्लेटफर्मले पाएको प्रतिक्रिया र भविष्यका योजनाहरूका बारेमा उल्लेख गरेका थिए । उनीहरूका अनुसार इनड्राइभको उद्देश्य केवल सवारी सुविधा पु¥याउनु मात्र नभई स्थानीय समुदायसँग अन्तरक्रिया गरी समाधानमुखी र सहभागीता प्रधान सेवाहरू प्रदान गर्नु हो ।
इनड्राइभ ३६० अभियानले नेपालको सन्दर्भमा ग्राहक केन्द्रित नवप्रवर्तन, सामाजिक दायित्व र सेवा विस्तारलाई प्राथमिकता दिने लक्ष्य राखेको बताइएको छ । कम्पनीले आगामी महिनाहरूमा थप सामुदायिक कार्यक्रम, चालक–समर्थन पहल र प्रयोगकर्ता शिक्षामा जोड दिने योजना रहेको जानकारी पनि कार्यक्रममा साझा गर्याे । साथसाथै इनड्राइभमा हर एक राईडको बीमा गरिएको हुने जानकारी पनि दिएको छ ।
स्वस्तिमा खड्कासहितको यो नयाँ अध्यायलाई एप/सर्भिस अपडेट तथा आगामी कार्यक्रममार्फत प्रयोगकर्तासम्म पु¥याइने कम्पनीले जनाएको छ ।
