आईसीटी समाचार
फागुन ३ र ४ गते जेन कन्फेरेन्स १.० आयोजना हुने भएको छ । निमा एकेडेमी, एड चेञ्ज नेपाल र जियोग्रेबा नेटवर्कको संयुक्त आयोजनामा काठमाडौंको ज्ञानेश्वरमा फागुन ३ र ४ गते कन्फेरेन्स सञ्चालन हुनेछ ।
२१ औं शताब्दीका सीप तथा चुनौतिहरूसँग जुध्न विद्यार्थीलाई तयार पार्ने र पाठ्यक्रमै यस्ता सीपहरू एकीकृत गर्नुपर्ने उद्देश्यसहित २ दिने कन्फेरेन्स हुन लागेको आयोजकले जानकारी दिएको छ ।
२ दिनमा २१ औं शताब्दीका सीप तथा चुनौतिहरू सम्बन्धि छलफल र वर्कशप हुनुका साथै शिक्षालाई युग सुहाउँदो बनाउन विभिन्न आईडियाहरूमाथि काम हुनेछ ।
२१ औं शताब्दीका लागि विद्यार्थीलाई तयार पार्न शिक्षकहरूलाई वर्कशप दिइने छ । यसमा गणित, कम्प्युटर, विज्ञान लगायत सम्पूर्ण शिक्षकहरूलाई लक्षित हुने गरी वर्कशपको डिजाइन गरिएको छ ।
वर्कशपमा मेडिटेसन पेडागोजी, गेमिफिकेसन, परियोजनामा आधारित सिकाइ, कक्षाकोठामा प्रयोग गर्न प्रयाक्टिकल सीपहरू सिकाइने छ ।
यस बाहेक सम्बन्धि क्षेत्रका विज्ञले पेपर प्रस्तुत गर्नेछन् भने विद्यालयमा प्रोग्रेसीभ नेतृत्व, डिजिटल लर्निङ अभ्यास, पाठ्यक्रममा नवीनता, शिक्षकको व्यावसायीक विकास र मूल्यांकन रणनीति जस्ता थिममा रहेर आफ्नो ज्ञान तथा अनुभव शेयर गर्नेछन् ।
कार्यक्रममा किनोट वक्ताको रूपमा थाइल्याण्डको महिडोल विश्वविद्यालयकी एलुमुनाई ओन्ग डी जीन, त्रिभुवन विश्वविद्यालयका एशोशिएट प्रोफेसर राजेन्द्र कुँवर र नेपाल खुला विश्वविद्यालयका एशोशिएट प्रोफेसर जीवन खड्का रहेका छन् ।
२१ औं शताब्दीका लागि विद्यार्थीहरूलाई तयार पार्न शिक्षकका लागि जेन कन्फेरेन्स उपयोगी हुने विश्वास गरिएको छ ।
यदी तपाई (शिक्षक) पनि वर्कशपमा सहभागी हुन चाहनुहुन्छ भने यो लिंकमा गएर फाराम भरेर शुल्क तिर्नु सक्नुहुनेछ ।
विशेष गरी शिक्षा क्षेत्रमा कार्यरत वा रुचि राख्ने जो कोही पनि भाग लिन सक्ने छन् । यस सम्मेलनमा करिब २०० जना सहभागिको अपेक्षा राखिएको छ ।
