आईसीटी समाचार
क्वालकमले कम्प्युटरका लागि नयाँ प्रोसेसर स्न्यापड्रयागन एक्स इलाइटको घोषणा गरेको छ । बुधबार क्वालकमले स्न्यापड्रयागन एक्स इलाइट प्रोसेसर ल्याउने घोषणा गरेको हो ।
एक्स इलाइट प्रोसेसर फोर एनएम प्रोसेसमा बन्ने छ, जसमा १२ कोर हुनेछन् । यसमा १३६ जीबी पर सेकेण्ड मेमोरी ब्याण्डविथ हुनेछ ।
स्न्यापड्रयागन एक्स इलाइटले एप्पल, इन्टेल र एएमडीको प्रोसेसलाई बिट गर्ने कम्पनीको दावी छ । यसले एप्पलको एम टु चीपभन्दा ५० प्रतिशत बढी परफर्मेन्स दिने क्वालकमले दावी गरेको छ ।
कम्प्युटरका लागि एक्स इलाइट प्रोसेसर सन् २०२४ को मध्येबाट प्रदान गर्ने कम्पनीले जनाएको छ । यसका साथै क्वालकमले स्मार्टफोनका लागि स्न्यापड्रयागन जेन थ्रीको पनि घोषणा गरेको छ ।
त्यसैगरी क्वालकमले नयाँ प्रविधि समेत घोषणा गरेको छ, जसलाई स्न्यापड्रयागन सिमलेस नाम दिइएको छ । क्वाकमका अनुसार यो क्रस प्लेटफर्म प्रविधि हो, जसले एन्ड्रोइड, विन्डोज र स्न्याड्रयागन डिभाइसहरूलाई अन्य अपरेटिङ सिस्टम प्रयोग गरेर एक अर्कालाई पत्ता लगाउन तथा जानकारी शेयर गर्न एकीकृत प्रणालीको रूपमा काम गर्नेछ ।
