आईसीटी समाचार
प्रधानमन्त्री पुष्पकमल दाहाल ‘प्रचण्ड’ले नेपाल विज्ञान तथा प्रविधि प्रज्ञा प्रतिष्ठान (नास्ट) को प्रविधि भवन तथा बायोमेडिकल रिसर्च ल्याबको उद्घाटन गरेका छन् ।
नास्टको ४१ औं वार्षिकोत्सव तथा पुरस्कार वितरण कार्यक्रमको अवसरमा प्रधानमन्त्रीले प्रविधि भवन तथा बायोमेडिकल रिसर्च ल्याबको उद्घाटन गरेका हुन् ।
उद्घाटन पछि बोल्दै उनले अनुसन्धान केन्द्रबाट अन्तर्राष्ट्रियस्तरका अनुसन्धान र परीक्षण हुने वातावरण सिर्जना हुने बताए ।
नास्टको प्रविधि भवन र बायोमेडिकल रिसर्च ल्याबबाट अन्तर्राष्ट्रिय स्तरको अनुसन्धान र परीक्षण हुने वातावरण सिर्जना हुँदै जानेछ,’ उनले भने, ‘त्यसका लागि आवश्यक पर्ने स्रोत साधन र उपकरणको व्यवस्था मिलाउन सरकारले अधिकतम सहयोग गर्नेछ ।’
