आईसीटी समाचार
डिजिटल एजुकेसन (प्राइभेट सेक्टर) आइसिटी अवार्ड २०२३ अध्ययन स्कुलले प्राप्त गरेको छ ।
शुक्रबार द सोल्टी काठमाडौंमा आयोजना भएको अपग्राड आइसिटी अवार्ड २०२३ इन एशोशिएसन विथ इन्ड्राइभको ग्राण्ड फिनाले कार्यक्रममा काठमाडौंको अध्ययन स्कुललाई डिजिटल एजुकेसन (प्राइभेट सेक्टर) आइसिटी अवार्ड २०२३ प्रदान गरिएको हो ।
सूचना प्रविधिको प्रयोगमार्फत शिक्षण सिकाई र अध्यापन राम्रो बनाएका निजी क्षेत्रका स्कुललाई यो अवार्ड प्रदान गरिन्छ । यसतर्फ यो वर्ष अध्ययन स्कुल सम्मानित भएको हो ।
सन् २००६ मा स्थापना भएको विद्यालय हो, अध्ययन स्कुल । काठमाडौंको सामाखुसी रहेको अध्ययन स्कुलले मुख्यतः डिजिटल शिक्षामा जोड दिएको छ ।
डिजिटल शिक्षाका लागि अहिलेसम्म विद्यालयले २ करोड लगानी गरिसकेको छ । सिकाइलाई प्रभावकारी बनाउन अध्ययन स्कुलमा ७२ वटा ल्यापटप, २० वटा कम्प्युटर, १० वटा ट्याबलेट र १९ वटा प्रोजेक्टर रहेका छन् ।
यस बाहेक ६ वटा प्रिन्टर, ३० वटा सीसीटिभी, ४ वटा स्वीचेच, डेडिकेटेड इन्टरनेट लाइनसहित १० वटा वाईफाई राउटर डिभाइस रहेका छन् ।
स्कुलले सफ्टवेयर र एपमा गूगल एजुकेसन स्विट र वेद प्रयोग गर्दै आएको छ । प्रविधिसहितको बेलेन्डेड र पर्सनलाइज्ड सिकाइमा विश्वास गर्ने स्कुलले डिजिटल सिकाइ स्रोतको रूपमा विभिन्न राष्ट्रिय तथा अन्तर्राष्ट्रिय ओपन सोर्स प्लेटफर्म उपयोगमा ल्याएको छ ।
कक्षा १ देखि १२ सम्मको पाठ्यक्रममा कोडिङको व्यवस्था गरेको अध्ययनले कोड डट ओआरीसँग सहकार्य समेत गरेको छ । क्यालिफोर्नियाको डिटेक हाई स्कुलको ग्लोबल पार्टनर रहेको अध्ययन स्कुल अमेरिकामा आधारित एजुकेटर र इन्नोभेटरको कम्प्युनिटी ट्रान्सजेन्डको सदस्य समेत हो ।
यस बाहेक स्कुलले प्रत्येक टर्ममा शिक्षक, विद्यार्थी र अभिभावकका लागि ‘अनलाइन डे’ अनिवार्य रूपमा होस्ट गर्दै आएको छ भने विद्यार्थीहरूले वार्षिक रूपमा डिजाइन थिंकिङका साथै एक्जिबिसन समेत गर्दै आका छन् ।
