आईसीटी समाचार
पशुपतिनाथ आर्यघाट क्षेत्रको बागमती नदी किनारमा हुने गंगा आरतीको भिडियो सामग्री सामाजिक सञ्जालमा व्यवसायिक प्रायोजनका लागि राखेमा कपिराइट लाग्ने भएको छ ।
पशुपति क्षेत्र विकास कोष र बुढा सुब्बा डिजिटलले एक सूचना निकाल्दै पशुपतिनाथ आर्यघाट क्षेत्रको बागमती नदी किनारमा हुने गंगा आरती र कोर क्षेत्रमा हुने दिप प्रज्वलनको भिडियो खिचेर व्यवसायिक प्रायोजनका लागि सामाजिक सञ्जालमा राखे कारवाही हुने जानकारी दिएका हुन् ।
भिडियो सामग्री फेसबुक, इन्ष्टाग्राम, टिकटक तथा युटुबमा व्यवसायिक प्रायोजनका लागि राखिएको थाहा भएमा डिजिटल कपिराईट ऐन अन्तर्गत कारवाही हुने जनाइएको छ । गत भदौमा पशुपति क्षेत्रमा भिडियो टेन्डर बुढासुब्वा डिजिटल प्रालिले प्राप्त गरेको थियो ।
