स्नेहा झा
आईफोन प्रयोग गर्ने अधिकांश मानिसहरूक प्रश्न हुन्छ, के डाटालाई आईफोनबाट विन्डोज ल्यापटपमा स्थानान्तरण गर्न सकिन्छ ? यसको जवाफ हो, सकिन्छ ।
युएसबी केबल, गूगल ड्राइभ, म्याक फाइल लगायतका विकल्प प्रयोग गरेर आईफोनबाट डाटा ट्रान्सफर गर्न सकिन्छ ।
यदि तपाईसँग पनि विन्डोज ल्यापटप छ र आफ्नो आईफोनबाट ल्यापटपमा डाटा ट्रान्सफर गर्न चाहनुहुन्छ तलका यी प्रक्रिया अपनाउन सक्नुहुनेछ ।
यूएसबी केबल
यो सबैभन्दा सजिलो तरिका हो । एक यूएसबी केबलबाट आफ्नो विन्डोज ल्यापटपलाई आइफोनसँग जडान गर्नुहोस् । अब आईफोन अनलक गर्नुहोस् र ट्रस्ट दिस कम्प्यूटर अप्सनमा ट्याप गर्नुहोस् ।
यसपछि तपाईको विन्डोज ल्यापटपमा, फाइल एक्सप्लोरर खोल्नुहोस् । तपाई दिस पीसी अन्तर्गत आफ्नो आईफोन हेर्न सक्षम हुनुहुनेछ । तपाईको आईफोनमा फोल्डर खोल्नुहोस् र तपाईले स्थानान्तरण गर्न चाहनुभएको डेटा चयन गर्नुहोस् । त्यसपछि, तपाईको विन्डोज ल्यापटपको कुनै पनि फोल्डरमा डाटा कपि गर्नुहोस् ।
यदि तपाईसँग आइक्लाउड अकाउन्ट भने आफ्नो आइफोनबाट आइक्लाउडमा डाटा सेभ गर्न सक्नुहुन्छ र त्यसपछि विन्डोज ल्यापटपमा डाउनलोड गर्न सक्नुहुन्छ । यसका लागि आफ्नो आइफोनको सेटिंग्स एप खोल्नुहोस् । एप्पल आईडीमा ट्याप गर्नुहोस र आइक्लाउडमा क्लिक गर्नुहोस् ।
तपाईले आइक्लाउडमा सेभ गर्न चाहनुभएको डाटा प्रकारहरू चयन गर्नुहोस् । अब तपाईंको विन्डोज ल्यापटपमा, आइक्लाउड वेबसाइटमा जानुहोस् । आफ्नो एप्पल आईडी र पासवर्ड राखेर लग इन गर्नुहोस् । तपाईंले डाउनलोड गर्न चाहनुभएको डेटा प्रकारहरू चयन गर्नुहोस् । त्यसपछि डाउनलोडमा क्लिक गर्नुहोस्।
गुगल ड्राइभ
गूगल ड्राइभको प्रयोग आईफोनबाट ल्यापटपमा डाटा ट्रान्सफर गर्न सकियो यो एउटा अर्को उपाय हो । आईफोनबाट गूगल ड्राइभमा डाटा सेभ गरेर विन्डोज ल्यापटपमा डाउनलोड गर्न सकिन्छ । यसका लागि आइफोनमा, गूगल ड्राइभ एप खोल्नुहोस् ।
तपाईंले गूगल ड्राइभमा सेभ गर्न चाहनुभएको फाइल वा फोल्डरहरू चयन गर्नुहोस् । त्यसपछि अपलोडमा ट्याप गर्नुहोस् । अनि ल्यापटपमा गूगल ड्राइभको वेबसाइट खोल्नुहोस् । आफ्नो गूगल आइडी र पासवर्डको साथ लग इन गर्नुहोस् । तपाईले चाहनु भएको फाइल वा फोल्डरहरू डाउनलोड गर्नुहोस् ।
म्याकफाइल
यदि तपाईसँग म्याकफाइल अकाउन्ट छ भने आफ्नो आइफोनबाट म्याकफाइलमा डाटा सेभ गर्न सक्नुहुन्छ । त्यसपछि ल्यापटपमा डाउनलोड गर्न सक्नुहुन्छ । यसका लागि आफ्नो आइफोनमा म्याकफाइल एप खोल्नुहोस् ।
तपाईंले म्याकफाइलमा सेभ गर्न चाहनु भएको फाइलहरू वा फोल्डरहरू चयन गर्नुहोस् । त्यसपछि डाउनलोडमा ट्याप गर्नुहोस् । आफ्नो म्याकफाइल अकाउन्ट र पासवर्डसहित लग इन गर्नुहोस् । तपाईले चाहनु भएको फाइल वा फोल्डरहरू डाउनलोड गर्नुहोस् ।
